ՆԱՏՕ–ն Բալկաններում «չեզոքացնում» է ՌԴ–ի ազդեցությունը

ՌԴ–ին Բալկաններից դուրս մղելը սկսվել է Հարավսլավիայի կազմաքանդմամբ`Արևմուտքը չէր ցանկանում տեսնել ռուսամետ, սլավոնական զգալի տարր և ազդեցություն ունեցող երկիր Եվրոպայի հարավում։ ՌԴ–ը միշտ կարող էր հենվել այդ երկրի վրա և ԱՄՆ–ը ու ԵՄ–ը որոշեցին չեզոքացնել Մոսկվայի ազդեցությունը`կազմաքանդելով այդ տարածքով մեծ երկիրը`միմյանց դեմ լարելով խորվաթներին, սերբերին և այլ ազգերին`չնայած նրանք պատմականորեն միշտ էլ խնդիրներներ ու հակասություններ են ունեցել։Հարավսլավիան կարողանում էր մնալ միասնական միայն Տիտոյի ուժեղ ձեռքի և հետագայում էլ հատուկ ծառայություննների ու բանակի ազդեցության շնորհիվ։

Չեռնոգորիայի անդամակցությունից հետո նրանց օրինակին կարող են հետևել բալկանյան այլ երկրներ, ինչն էլ Բալկանները վերածելու են ՆԱՏՕ–ի միանձնյա ազդեցության գոտու։ Բացառություն է կազմում Սերբիան, որին սակայն ճնշում են ԵՄ–ին անդամակցության հեռանկարներով, մեղադրում եմ ռուսամետության մեջ և այլն։ Ստեղծել են արհեստական խնդիր Կոսովոյում`տվել անկախության այդ երկրամասին`փոխել էթնիկ–կրոնական դեմքը`ոչնչացնելով սերբերին ու թողնելով նրանց մի մասին մարգինալ վիճակում Կոսովոյի հյուսիսում։

Այժմ էլ Կոսովոն ցանկանում է ստեղծել սեփական բանակը, իսկ Ալբանիայի նախագահը վերջերս հայտարարել է Ալբանիայի ու Կոսովոյի միավորման հնարավորության մասին`Մեծ Ալբանիայի ռազմավարության շրջանակներում, ինչն էլ сasus belli կդառնա Սերբիայի ու Ալբանիայի միջև`Ալբանիայի դեմ ագրեսիայի դեպքում ՆԱՏՕ–ն միջամտելու է ու Հարավսլավիայի «բախտին» արժանացնի նաև ռուսամետ Սերբիային`փոխելով իշխանությունն ու Բելգրադին «ուղղորդի» դեպի ՆԱՏՕ։