10 ամենաբարձր վարձատրվող աշխատանքները ալարկոտների համար

Աշխարհը լի է աշխատասեր մարդկանցով, բայց ալարկոտների պակաս էլ այն չունի։  Եվ եթե առաջինների համար , որպես կանոն, այդքան էլ դժվար չէ աշխատանք գտնելը, ապա երկրորդների գործը բարդ է․ շատ դժվար է ապրուստի գումար վաստակել՝ առանց տանջվելու։ 

Թեև որոշների մոտ, որքան էլ դա զարմանալի է, դա շատ լավ է ստացվում։ Չէ որ ալարկոտ լինել դեռ չի նշանակում հիմար լինել։ Պարզվում է՝ կան մի շարք բարձր վարձատրվող մասնագիտություններ, որոնք չեն պահանջում ոչ բարձրագույն կրթություն, ոչ մեծ ջանքեր։ Այս հոդվածում դուք կգտնեք դրանցից տասը։

1. Պրոֆեսիոնալ օտարերկրացի

 Եթե դուք ներկայանալի տեսք ունեք, կարողանում եք հանրային զրույցներ վարել և կարևոր անձ ձևանալ պաշտոնական միջոցառումներին, ապա կարող եք համարձակորեն հանդես գալ պրոֆեսիոնալ օտաերկրացու դերում Չինաստանում։ Այդ երկրում օտարերկրյա հյուրերի ներկայությունը ցանկացած միջոցառմանը հաղորդում է հատուկ կարգավիճակ, այնպես որ այս մասնագիտությունը մեծ պահանջարկ ունի և բավականին պարկեշտ աշխատավարձ՝ շաբաթական $1000-ից $1600 դոլար։ Խարիզմայից և արտաքին փայլից բացի ոչինչ չի պահանջվում։

2. Պրոֆեսիոնալ գրկախառնվող

Այս մասնագիտությունը իսկական նվեր է այն մարդկանց համար, ովքեր պաշտում են ողջ օրը անցկացնել անկողնում, եթե, իհարկե, դեմ չեն այն կիսել անծանոթի հետ (ի դեպ, այդ բառի ամենաանմեղ իմաստով)։

Այս բիզնեսը այժմ  վերելքում է։ Դեռևս աշխարհում գործում է միայն 16 նման ընկերություն։ Այնպես որ, եթե դուք ցանկանում եք ստեղծել սեփական գրկախառնության ընկերությունը, ճիշտ ժամանակն է։

Հաճախորդներին այդ ընկերությունները գտնում են համացանցի օգնությամբ։ Այնպես որ, գործի անցնելու համար փափուկ մահճակալից բացի ձեզ պետք կգա նաև նոութբուք կամ պլանշետ։

Մնում է հավելել, որ պրոֆեսիոնալ գրկախառնվողը միջինում վաստակում է  $80 դոլար ժամում կամ  $300 դոլար մեկ գիշերվա համար։ Որևէ հատուկ պատրաստվածություն կամ արտոնագիր հարկավոր չէ, միայն անծանոթին գրկախառնվելու պատրաստակամություն։

3. Անգլերենի ուսուցիչ Չինաստանում

 

Եվս մեկ բարձր բարձատրվող աշխատանք, որը Չինաստանում կտան բոլոր նրանց, ովքեր փոքր-ինչ վարժ խոսում են անգլերեն։ Այս երկրում անգլերենի ուսուցչի աշխատանքը մեծ պահանջարկ ունի, իսկ թեկնածուին ներկայացվող պահանջները շատ  քիչ են։ Շատ դպրոցներ չեն հետաքրքրվում ոչ մասնագիտական կրթությամբ, ոչ աշխատանքային փորձով։ Այնպես որ քիչ թե շատ անգլերեն իմացող յուրաքանչյուր ոք կարող է գումար վաստակել՝ առանց մեծ լարման։ Օտարերկրացի մանկավարժները  նույն դպրոցում մոտ երեք անգամ ավելի շատ են վաստակում, քան բարձրագույն կրթություն ունեցող իրենց կոլեգաները։

4. Մահճակալ փորձարկող հյուրանոցում

Սա աշխատանք չէ, այլ՝ քաղցր երազ։ Ընդ որում՝ բուն իմաստով։ Մահճակալներ փորձարկողները հաճախ  «աշխատում են»  թանկարժեք հյուրանոցներում, որոնց տնօրենները ցանկանում են համոզվել, որ իրենց հյուրերը կարող են հանգիստ քնել և գոհ մնալ սպասարկումից։ Բայց երբեմն նման փորձարկողների վարձակալում են զբոսաշրջային գործակալությունները և անանուն ուղարկում հյուրանոց, որպեսզի այնտեղ գիշեր անցկացնեն և զեկուցեն ղեկավարությանը դրա մասին։

5. Գարեջուր համտեսող

Այս աշխատանքում կարելի է ոչ միայն խմել, այլև՝ դրա համար գումար ստանալ։ Թեև այս աշխատանքի համար պետք են որոշակի հմտություններ։ Պետք է տեղյակ լինել գարեջրի պատրաստման նրբություններից, կարողանալ տարբերակել խմիչքի համի յուրահատուկ նրբերանգները և իմանալ բավարար չափով տերմիններ զգացողությունները նկարագրելու համար։ Սովորաբար, այդ ամենը սովորեցնում են գարեջրագործարաններում։

6. Վիդեոխաղեր փորձարկող

Վիդեոխաղեր փորձարկողները վաստակում են ժամում  $10-ից  $18 դոլար, այսինքն՝ միջինում շուրջ 30 հազար դոլար տարեկան։ Նրանց խնդիրն է գտնել խաղի թույլ կողմերը և հայտնել խնդիրների և բացթողումների մասին։

7. Քնի ուսումնասիրման փորձարկումների մասնակից

Եվս մեկ միջոց քնած փող աշխատելու համար։ Տարբեր բժշկական ինստիտուտներ մշտապես ուսումնասիրություն են անցկացնում՝ կապված քնի հետ, և փնտրում են մարդկանց, ովքեր կհամաձայնեն մասնակցել իրենց ուսումնասիրություններին։ Սովորաբար յուրաքանչյուր փորձարկման համար հրավիրվում է  որոշակի տարիքի  կամ կենսակերպի մարդ։ Նման հետազոտությունների մասնակիցները օրական վաստակում են  միջինում $1000 դոլար։

8. Ծրագրավորող

Այս աշխատանքի համար կրթություն հարկավոր է, բայց, ինչպես վստահեցնում են փորձագետները, բուն աշխատանքը հոգնեցուցիչ չէ, լավ վարձատրվող է, իսկ աշխատել կարելի է գիշերազգեստով և  հողաթափերով։ Բիլ Գեյթսը, օրինակ, մի անգամ ասել է, որ նախընտրում է Microsoft-ի  բարդ խնդիրների համար աշխատանքի ընդունել ալարկոտ ծրագրավորողների, քանի որ նրանք  «մշտապես գտնում են  դրա լուծման ամենահեշտ տարբերակը»։

9. Ստատիստ ֆիլմերում

Ստատիստների մեծ մասը, ովքեր հայտնվում են կինոկադրերի հետին պլանում, պրոֆեսիոնալ դերասաններ են, ովքեր սպասում են իերնց կարիերայի ծաղկմանը։ Բայց նրանց մեջ կան նաև այնպիսիները, ովքեր չեն երազում Օսկարի մասին, այլ պարզապես ցանկանում են հաճելի ժամանակ անցկացնել և գումար վաստակել։

Ստատիստը միջինում վաստակում է օրական  $100 դոլար։ Բայց եթե նա կինոդերասանների Գիլդիայի անդամ է, ապա նրան չեն կարող վճարել օրական $150 դոլարից քիչ։ Եթե նկարահանման օրը տևում է ութ ժամից ավել, ապա ստատիստը ստանում է մեկուկես կամ երկու աշխատավճար։ Իսկ եթե նկարահանման ընթացքում օգտագործվում է  ստատիստի անձնական իրերը՝ ավտոմեքենան, հագուստը, հեռախոսը, ապա դրա համար կա առանձին վճար։

10. Շներին զբոսանքի տանող մասնագետ 

Այս աշխատանքը կապված է որոշակի ֆիզիկական ծանրաբեռնվածության հետ, բայց շատ հոգնեցնող չէ։ Զբաղված շնատերերը հաճույքով իրենց սիրելիներին վստահում են օտարների խնամքին։ Շներին զբոսանքի տանելով կարելի է վաստակել  ժամում մինչև  $50 դոլար։ Ամեն ինչ կախված  է երկրից և տիրոջ կարգավիճակից:

Աղբյուրը` People.am