Արաբական Միացյալ էմիրությունների 10 զարմանահրաշ կառույցները. լուսանկարներ

Blog.1in.am-ը գրում է.

Արաբական Միացյալ Էմիրություններ… Բազմաթիվ երկրների և ազգությունների շատ մարդկանց համար այդ պետությունն անքակտելիորեն կապված է հիասքանչ արևելյան հեքիաթների հետ, որտեղ կախարդություն են անում չար դերվիշները, իսկ որոշ երջանիկների կամքին հնազանդ ջիները հաջողությամբ կախարդներին մի ակնթարթում փոշի են դարձնում՝ իրենց տերերին հասցնելով այնտեղ, ուր նրանք պահանջում են, և ստեղծում են չտեսնված գեղեցկության պալատներ՝ հիասքանչ պարտեզներով ու շատրվաններով։ Մեր օրերում Էմիրություններն աշխարհի ամենահարուստ երկրներից է, որտեղ կյանքի են կոչվել հին լեգենդներն ու հեքիաթները, իսկ զմայլելի ձեռակերտ կղզիներում երևան են եկել երևակայությունն ապշեցնող պալատներ, այգիներ, մզկիթներ՝ դեպի երկինք ձգվող մինարեթներով։ ԱՄԷ-ի տարբեր քաղաքներում կառուցվել են հարյուրավոր զարմանահրաշ ձեռակերտ շինություններ, որոնցից կարելի է առանձնացնել ժամանակակից ճարտարապետության ամենահռչակավոր տասնյակը։

1. Բուրջ-Խալիֆա

Զարմանահրաշ ձեռակերտ կառույցների տասնյակում առաջին տեղում իրավամբ աշխարհի ամենաբարձր աշտարակն է՝ Դուբայի Բուրջ-Խալիֆան, որի կառուցումն ավարտվել է 2010-ի սկզբին։ Դա 162 հարկանի շենք է, 828 մ բարձրությամբ, իր անվանումն ստացել է ի պատիվ ԱՄԷ-ի նախագահ, Աբու-Դաբիի էմիր իբն ան-Նախաիյանի։ Երկնաքերում կան բազմաթիվ գրասենյակներ, աշխարհի ամենամեծ գիշերային ակումբը, հսկայական լողավազան, մզկիթ՝ 158-րդ հարկում, հրաշագեղ 5 աստղանի հյուրանոց, որի ինտերյերի ստեղծմանը մասնակցել է Ջորջիո Արմանին։

 

2. Դուբայ շատրվանը

Բուրջ-Խալիֆա աշխատարակի կողքին կա ևս մի զարմանահրաշ ձեռակերտ շինություն՝ աշխարհի ամենագեղեցիկ ու ամենաբարձր երաժշտական շատրվանը, որի բարձրությունը հասնում է 275 մետրի։

 

3. Ջեբել-Ալի նավահանգիստը

ԱՄԷ-ի զարմանահրաշ ձեռակերտ կառույցների թվում աշխարհի ամենախոշոր արհեստական նավահանգիստն է՝ Ջեբել-Ալին, որից մինչև Դուբայ 40 րոպեի ճանապարհ է։ Այն ստեղծվել էր բացառապես արդյունաբերական նպատակներով, ավելի ուշ, սակայն, նավահանգիստը համալրվեց շքեղ հյուրանոցներով, ռեստորաններով սրճարաններով և դարձավ երկրի ամենագեղեցիկ վայրերից մեկը։

 

4. Emirates Park Towers

Աշխահում բարձրությամբ երկրորդ շենքը նույնպես գտնվում է Դուբայում. դրանք Emirates Park Towers երկվորյակ աշտարակներն են, որոնցում գտնվում է շքեղ Marriott International հյուրանոցը, բիզնես կենտրոն, ռեստորաններ, էլիտար բուտիկներ, սպա-կենտրոններ։

 

5. Ալմաս Թաուեր

Ալմաս Թաուեր աշտարակը կառուցվել է 2008 թ., այնտեղ է գտնվում Դուբայի թանկարժեք իրերի բիրժան (Dubai Diamond Exchange), հայտնի միջազգային ֆիրմաների բազմաթիվ գրասենյակներ, դահլիճներ, էքսկլյուզիջ բուտիկներ։

 

6. Դուբայի Burj Al Arab հյուրանոցը

«Burj Al Arab» հյուրանոցը, որը գտնվում է Պարսից ծոցի ափին, արդի ճարտարապետության հրաշալիքներից է։ Անհավատալի գեղեցկության երկնաքերը, որի պատուհաններից բացվում է ծոցի կուրացուցիչ գեղեցկությունը, ոչ մեծ մի պետություն է, հուսալիորեն մեկուսացված արտաքին աշխարհից, որտեղ, բավականին միջոցներ ունենալով, կարելի է ամբողջ արձակուրդը հանգիստ անցկացնել հեքիաթային արևելյան ճոխության մթնոլորտում։

 

7. Արմավենու կղզիներ՝ Դուբայում

Զարմանահրաշ տեսարան, որը կարելի է անզեն աչքով տեսնել Լեսնից։ Ձեռակերտ արմավենու երեք հսկայական կղզիները դասավորված են փյունիկյան արմավենու տեսքով։

 

8. Ջումեյրի մզկիթը

Ջումեյրի մզկիթը կառուցվել է իսլամի ավանդույթների և ժամանակակից տեխնոլոգիաների համադրությամբ։ Մզկիթը բաց է ամենատարբեր դավանանքի ներկայացուցիչների ազատ այցելության համար։ Այն հատկապես գեղատեսիլ է գիշերով։

 

9. Ski Dubai

Ski Dubai-ը ծածկած լեռնադահուկային առողջարան է։ Անապատի կենտրոնում, Արաբական թերակղզու շիկացած ավազուտների մեջ գտնվում է աշխարհում առայժմ առաջին և միակ լեռնադահուկային կուրորտը։ Այն գտնվում է Mall of the Emirates խոշոր առևտրի կենտրոնում և զբաղեցնում է երեք ֆուտբոլային դաշտի մակերես։

 

10. Ակվարիում՝ Dubai Mall-ում

Աշխարհի ամենամեծ ակվարիումը։ Dubai Mall առևտրի կենտրոնում գտնվում է մի զարմանահրաշ շինություն ևս, որն ընդգրկված է Գինեսի ռեկորդների գրքում՝ հսկայական ակվարիումը, որն ունի եռահարկ տան մեծություն և 10 մլն լիտր ջրի ծավալ, որտեղ ապրում են ծովային ֆաունայի ամենատարբեր ներկայացուցիչներ։