Սիրավեպ գործընկերոջ հետ. արժե՞ սիրահարվել աշխատավայրում

Սիրահարվել աշխատավայրում և սիրավեպ ունենալ գործընկերոջ հետ․ որո՞նք են թերություններն ու առավելությունները այդպիսի սիրավեպի:

Ի՞նչ անել, եթե հարևան բաժնի գեղեցկադեմ աշխատակցի մասին հիշողությունն անգամ ձեզ զրկել է քնից ու հանգստից: Հանադգնե՞լ, թե՞խանձարուրում խեղդել ծառայողական սիրավեպի սաղմերը: Չէ՞ որ նժարին դրված է ոչ միայն հոգեկան հանգստությունը, այլև, երբեմն, աշխատանքը:

Իրականում, եթե բոլոր ծառայողական սիրավեպերն այդքան անհեռանկարային լինեին, շատ երջանիկ ընտանիքներ չէին կայանա: Էլ որտե՞ղ հանդիպել մարդուն, եթե ոչ աշխատանքի վայրում, այնտեղ, որտեղ անցկացնում եք ձեր ժամանակի զգալի մասը: Դա, համենայնդեպս, ավելի անվտանգ է, քան փողոցում ծանոթությունը: Չէ՞ որ դուք ձեր ընտրյալի մասին կարող եք հավաքագրել բոլոր տվյալները՝ որտեղ է ծնվել, որտեղ սովորել, արդյոք անձնագրում կնիք չկա: Նույնիսկ՝ վարկերի և վատ սովորությունների մասին տեղեկություններ: Մտածելու առիթ կա, եթե նա միջանցքներում աջ ու ձախ գլուխ է գովում իր սիրային սխրանքների մասին կամ կորպորատիվ միջոցառումների ժամանակ դեմ չէ մի փոքր ավելին ընդունելու: Մտածեք, հարկավո՞ր է արդյոք ձեզ այդպիսի երկրպագու:

Իհարկե, տեղեկությունները պետք է հավաքել ոչ ցուցադրաբար, այլ զգույշ, կողմնակի ճանապարհով: Միաժամանակ հետաքրքրվեք, թե ինչպե՞ս է ղեկավարությունը վերաբերվում այդպիսի սիրավեպերին, նախկինում եղե՞լ են նման իրավիճակներ և ինչո՞վ են դրանք ավարտվել:

Հաջորդ քայլով զգուշորեն պարզեք, թե ինչպե՞ս է ձեզ վերաբերվում հրապուրանքի մեղավորը: Մի բան է, երբ ձեզ մերժում է քիչ կարևորություն ունեցող մեկը, որին դուք այլևս չեք տեսնի, և բոլորովին այլ, երբ այդ գործընկերն անընդհատ լինելու է ձեր աչքի առջև և հիշեցնելու անհաջող սիրավեպի մասին: Իսկ ի՞նչ իմաստ ավելորդ գլխացավի մեջ ընկնելու և աշխատակիցների կողմից քննարկվելու:

Գնահատեք, թե ինչպե՞ս է ձեզ վերաբերվում գործընկերը, ինչպես է արձագանքում ձեր կատակներին, շփվում է միայն գործի բերումով, թե՞ դեմ չէ նաև զրույցի բռնվելու: Ինչպիսի՞ն է նա ուրիշների հետ, հնարավոր է, նա միևնույն կերպ է բոլորի հետ, իսկ, գուցե, առանձնացնում է միայն ձե՞զ: Գործընկերներին մի խառնեք իրար: Խորհուրդ մի հարցրեք, հակառակ դեպքում բարի կամեցող աշխատակցուհին կբացի թե ողջ գրասենյակի, թե ձեր ասպետի աչքերը, իհարկե, ամենաբարի նկատառումներով:

Քայլ երրորդ․ բոլոր շեշտադրումներն արված են, ձեր զգացմունքները փոխադարձ են, և շոկոլադ-ծաղկեփնջային փուլից սահուն անցել եք ռոմանտիկ ընթրիքի և նախաճաշի: Ինչպե՞ս այժմ կառուցել հարաբերություններն աշխատավայրում: Կարևոր է ծայրահեղությունների մեջ չընկնել՝ թաքնվելով ու քողարկվելով. որոշ ժամանակ դուք կարող եք մոլորեցնել գործընկերներին, սակայն ձեր սիրավեպը շուտով հայտնի կդառնա ինչ-որ մեկին, նշանակում է՝ բոլորին:

Դա լուծում չէ, քանի որ փակվածությունը կհանգեցնի բազմաթիվ հետևությունների ու անհարկի լուրերի: Մյուս կողմից, եթե որոշել եք չքողարկել ձեր հարաբերությունները, կարոր է գործնկերներին, հատկապես՝ ղեկավարությանը, ցույց տաք, որ ձեր հարաբերությունները ոչ մի կերպ չեն անդրադառնա աշքատանքի վրա: Եթե դուք թերանալով պարտականությունների մեջ փորձեք առանձնանալ, հարաբերություններ պարզել, սիրախաղ անել, sms-ներ, էլեկտրոնային նամակներ գրել, գործընկերներն, ինչ խոսք, ըմբռնում կդրսևորեն, սակայն անվճար ներկայացումը շուտով բոլորին կհոգնեցնի և կսկսի նյարդայնացնել, հատկապես, եթե ձեր աշխատանքում սպրդեն սխալներ և անճշտություններ:

 

Եթե սիրելին նաև ձեր ղեկավարն է, որպեսզի սիրավեպը ժամանակից շուտ չավարտվի, մի փորձեք ձեր նկատմամբ հատուկ վերաբերմունք պահանջել, մի ձգտեք շահարկել ձեր ծառայողական պարտականությունները, կենցաղային խնդիրները գրասենյակ քարշ մի տվեք, դրանք հետաձգեք տանը քննարկելու համար:

Հետազոտությունների արդյունքները ցույց են տվել, որ ծառայողական սիրավեպերի մի մասը՝ մոտ 18%-ը, ավարտվում են ամուսնությամբ, իսկ դա նշանակում է, որ այդպիսի հարաբերությունները բավականին հեռանկարային են: Հնարավորություն կա թե ընտանիք կազմելու, թե աշխատանքը չկորցնելու:

LADYNEWS.am