7 գաղտնիք, որոնցով պլաստիկ վիրաբույժները կիսվում են միայն մտերիմների հետ

LIFE 10 November, 2015 17:03

Wnews-ը գրում է.

Գլամուրային ամսագրերում մոդելների իդեալական դեմքն ու կազմվածքը հաճախ մարզիչների, դիետոլոգների ու պլաստիկ վիրաբույժների մեծ աշխատանքի արդյունքն է։

Wnews.am-ը կփորձի ներկայացնել, թե ինչ խորհուրդներ են տալիս պլաստիկ վիրաբույժներն իրենց մտերիմներին, երբ սեղանին դրված չի լինում գումարի հարցը։

1. Ցելյուլիտ ունեն գրեթե բոլոր աղջիկները. անկախ գեր կամ նիհար լինելուց։ Դա բնության օրենքն է։ Ցելյուլիտից ազատվելու ամենաճիշտ մոտեցումը համալիր մոտեցումն է. դիետաներ, մարմնամարզություն եւ մերսում։ Եթե այդ ամենը չի օգնում կարճ ժամանակահատվածում, ապա կարող եք դիմել լիպոսակիցայի։ Այդ պրոցեդուրան, սակայն, անվտանգ չէ. ճարպային հատվածում ինվազիվ ներթափանցման ժամանակ կարող է ինֆեկցիա տարածվել։ Ճիշտ է, դրա հավանականությունը փոքր է, բայց կա։ Այդ պատճառով էլ նախքան վիրաբույժին այցելելը երկար մտածեք։
2. Քնեք մեջքի վրա, դա լավագույնն է, ինչը կարող եք անել դեմքի համար։ Եթե քնում եք կողքի կամ փորի վրա, ապա մաշկը ավելորդ ճնշման է ենթարկվում, ինչն էլ բերում է կնճիռների առաջացման, սակայն եթե չեք կարող ձեզ զրկել դեմքի վրա քնելու հաճույքից, ապա գոնե ընտրեք ատլասե բարձի երես։

3. Սիրեք ձեզ այնպիսին, ինչպիսին կաք։ Դադարեք ձեզ զննել խոշորացույցով ու թերություններ հայտնաբերել։ Եթե արտաքինում ունեք մի փոքրիկ թերություն, որն ընդհանուր առմամբ չի ազդում ձեր ինքնագնահատականի վրա, ապա թողեք այն առանց վիրահատական միջամտության։ Ինչպես փաստում են պլաստիկ վիրաբույժները, հաճախ ձեր աչքին թվացող թերությունները շրջապատում ոչ ոք չի էլ նկատում։

4. Որովայնի հատվածի ձգումը հետծննդաբերական շրջանում գտնվող կանանց միջեւ ամենատարածված վիրահատություններից է։ Դրա ժամանակ ազատվում են որովայնի հատվածի ավելորդ մաշկից ու ճարպային հատվածից, սակայն պետք է հաշվի առնել, որ այդ վիրահատությունն ամենաշատն է տարակարծությունների առիթ հանդիսանում։
Ծննդաբերությունից անմիջապես հետո տվյալ հատվածն ուռում է եւ կարող է այդպես մնալ 6- 8 շաբաթ։
Բացի այդ, վիրահատությունից հետո կարող է սպի մնալ, այդ պատճառով էլ նախքան այդ քայլին դիմելը լավ մտածեք։ Հիշեք, որ առանց վիրահատական միջամտությունների էլ կարելի է ձգել որովայնը օրինակ մարզասրահում։

5. Հազվադեպ են հանդիպում կանայք, ովքեր գոհ են իրենց կրծքից։ Ինչպես փաստում են վիրաբույժները, փոքր կուրծք ունեցողների բախտն ավելի է բերել, քանի որ փոքր կուրծքը չի դեֆորմացվում եւ նույնն է մնում ողջ կյանքի ընթացքում։ Եթե դուք, այնուամենայնիվ, գոհ չեք ձեր կրծքի չափից, ապա կարող եք դիմել վիրահատության, բայց կրծքի ձեւի վրա կարող եք ինքներդ էլ աշխատել։ Պետք է պարապեք մարզասրահում։

6. Հիշեք, որ լիպոսակցիան երբեք չի կարող փոխարինել մարզասրահին։ Այո, այն կարող է շտկել ձեր մարմնի թերությունները եւ ազատել ճարպային կուտակումներից, բայց հետագայում արդեն ամեն բան ձեզանից է կախված։ Եթե դուք շարունակեք նույքան անփույթ վերաբերել ձեր սննդակարգին, ուտել գիշերային ժամերին, չզբաղվել սպորտով, ապա ավելորդ կիլոգրամները ցելյուլիտի հետ կվերադառնան։
Անպայման հետեւեք, թե ինչ եք ուտում, սովորեցրեք ձեզ գոնե առավոտյան մարմնամարզությամբ զբաղվել։

7. Ինչպես հայտնի է, բոլոր ծխողների օրգանիզմում աշխատում է մի գեն, որը պատասխանատու է կոլագենի խախտման համար։ Հենց կոլագենի շնորհիվ է մաշկը երիտասարդ ու գեղեցիկ մնում։ Այդ պատճառով էլ վիրաբույժները նախքան դեմքի վիրահատությունը հետաքրքրվում են, թե արդյոք հիվանդը ծխում է։ Ծխելուց հրաժարվելը մաշկը երիտասարդ պահելու ամենաարդյունավետ միջոցն է։