1. მეგობრული სექსი - სოციალური ურთიერთქმედების საკმაოდ მოხერხებული სისტემა. ყველაფერი ისე არ ხდება, როგორც ტელევიზორში ან ფილმში ვნახულობთ. ის, რომ მეგობართან სექსი გადაწყვიტეთ, ყოველგვარი პასუხისმგებლობების გარეშე, აბსოლუტურად არ ნიშნავს, რომ თქვენგან წყვილი შედგება. ზოგჯერ სექსი - ეს უბრალოდ სექსია. და მეტი არაფერში არ გადაიზრდება, თუკი ამის სურვილი თავად არ გაგიჩნდებათ.
ასეთი სიტუაციის გამო ნერვიულობა არ ღირს. თუკი ორივე თანახმა ხართ, რომ ურთიერთობა წმინდა ფიზიკური იქნება, ამ შეთანხმების შემთხვევაში ორივე მართალი ხართ და შფოთვის მიზეზი არ გაქვთ.
2. რაც არ უნდა ალოგიკურად ჟღერდეს, ეს სიმართლეა და მოგიწევთ ამაზე დათანხმება. სექსი ყოველთვის ვერ იქნება სექსუალური. ზოგჯერ, სექსის დროს თავს უხერხულად იგრძნობთ, შესაძლოა, შეგრცხვეთ კიდეც და ეს სრულიად ნორმალურია. ასევე, ზოგჯერ სექსში ადგილი აქვს ისეთ ემოციებს, როგორიცაა მოწყენა და სევდა. სექსი ძალიან ემოციური აქტია და მასში არაერთ ემოციას გამოცდით. პორნოფილმებში ყველაფერი მარტივია, მაგრამ რეალობაში სექსი იშვიათად არის ასეთი ინტენსიური და კარგად შესრულებული. ყველაფერი დამოკიდებულია ქიმიაზე, რომელიც თქვენსა და თქვენს პარტნიორს შორის არსებობს.
3. ზოგჯერ ემოციები, რომელსაც სექსის პროცესში განვიცდით, იმდენად ინტენსიურია, რომ შესაძლოა, ცრემლებამდე მიგვიყვანოს და ეს ნორმალურია. პერიოდულად, უბრალოდ, ტირილის სურვილი გიჩნდებათ. ცრემლები მოგადგებათ თვალებზე და ამას ვერაფრით ახსნით. ყველაფერი რიგზეა! უბრალოდ, ზოგჯერ სექსი ძალიან ძლიერად მოქმედებს, განსაკუთრებით მგრძნობიარე ადამიანებზე. და რამდენად უცნაურად მოეჩვენება ეს ფაქტი თქვენს პარტნიორს - უკვე სხვა საკითხია.
4. ზოგჯერ შესაძლოა, სექსი გქონდეთ ისეთ პარტნიორებთან, რომლებმაც თქვენზე ნეგატიური შთაბეჭდილება დატოვეს და ესეც ნორმალურია. ხშირად გიჭირთ იმის ახსნა, რატომ შფოთავთ და ესეც ნორმალურია. უბრალოდ, გახსოვდეთ, რომ მომაბეზრებელი პარტნიორების მოშორებას მხოლოდ სხვასთან სექსის შემთხვევაში შეძლებთ.
5. ნუ იფიქრებთ, რომ ტანსაცმლის ქვეშ აბსოლუტურად სხვა პიროვნება იმალება. ხშირად ყველა ზუსტად ისეთია, როგორიც გარედან ჩანს. უბრალოდ, მორიგი იმედგაცრუება გელოდებათ, თუკი პასიური ადამიანისგან აგრესიულობას ელოდებით.
6. არსებობენ ადამიანები, რომლებსაც არ აქვთ თქვენთან სექსუალური კავშირის სურვილი. შესაძლოა, ეს თქვენთვის მოულოდნელი იყოს, მაგრამ ასეთი კატეგორიის ადამიანები ყოველთვის ისინი არ არიან, ვისთანაც თქვენ გაქვთ სექსის სურვილი. იქნებ თავადაც გადადგათ ზოგჯერ პირველი ნაბიჯი.
7. თუკი სექსუალურ ექსპერიმენტებს შორის შესვენებას გადაწყვეტთ, ამაში უცნაური არაფერია. ადამიანები ვართ, ცხოველები ხომ არა. უბრალოდ, მნიშვნელოვანია, თამაშგარე მდგომარეობაში ძალიან დიდხანს არ დავრჩეთ, რადგან არ გამოირიცხება, შედეგად რიტმი შეანელოთ, ყველაფერი გააფუჭოთ, სექსს გადაეჩვიოთ, რისი სურვილიც, დარწმუნებული ვარ, არ გაქვთ.
8. სიყვარული ყოველთვის არ არის სექსზე უკეთესი. რა თქმა უნდა, ზოგიერთ ადამიანს სურს, მთელი ცხოვრება ვიღაცას ერთგულად მიუძღვნას, მაგრამ თქვენც ასეთი ხართ? ამგვარმა ადამიანებმა არ უნდა მოგახვიონ თავს საკუთარი ფილოსოფიური აზრები ცხოვრების შესახებ. თქვენ ხართ ინდივიდუალური ადამიანი, რომელიც ცხოვრების აზრს სიამოვნებაში ხედავს და ეს არავინ არ უნდა წაგართვათ. თუკი სიყვარულის მიმართ ცინიკური დამოკიდებულება გაქვთ, ხოლო სექსის მანიაკი ხართ, მაშინ ისეთივე სრულყოფილი პიროვნება ხართ, როგორც სხვები.
9. იქნებ, ისეც მოხდეს, რომ ის ადამიანი შეგიყვარდეთ, ვისთანაც სექსუალური ურთიერთობა გაქვთ, თუმცა, მასთან მუდმივად ცხოვრების სურვილი არ გაგიჩნდეთ, რადგან, როგორც არ უნდა გიყვარდეთ ის, პირადი თავისუფლება თქვენთვის უფრო ძვირფასია. გახსოვდეთ, რომ სექსი არ ნიშნავს, რომ პარტნიორზე ავტომატურად დამოკიდებული გახდებით.
