Վաչե Թովմասյանը՝ «Քարե դարդ» սիթքոմի, «Վիտամին ակումբի» հետագա գործունեության և ընտանիքի մասին

Life.panorama.am-ի այսօրվա զրուցակիցն է «Վիտամինցի» Վաչե Թովմասյանը, ում հեռուստադիտողը շատ շուտով կտեսնի «ATV» հեռուստաընկերությամբ հեռարձակվող «Քարե դարդ» սիթքոմի շրջանակներում, ինչի մասին Life.panorama.am-ը արդեն պատմել է:

-Վաչե, շուտով Ձեզ տեսնելու ենք նոր ձեւաչափում, մի փոքր կպատմե՞ք սիթքոմում ներգրավելու առաջարկի եւ ընթացիկ աշխատանքների մասին:

-  Այո, շուտով «ATV» հեռուստաընկերությամբ կհեռարձակվի Վարդան Հակոբյանի ռեժիսորությամբ «Քարե դարդ» սիթքոմը, որտեղ նկարահանվելու առաջարկ ստացա նաեւ ես, հենց իմ կերպարի շուրջ էլ պետք է զարգանան սիթքոմի իրադարձությունները: Սիթքոմի հիմնական իմաստը կայանում է նրանում, որ իմ կերպարը՝ Մոսոն, պարտատերերից փախչելու նպատակով իր ընկերոջ՝ դեռ լիարժեք չկառուցված ժամանակի մեքենայով պատահաբար հայտնվում է քարե դարում, որտեղ ապրում է հնադարյան մի ցեղ, ում համար անսովոր է տեսնել մի մարդու, ով իրենց նման չէ, դրանից էլ այդ մարդկանց առօրյան ամբողջությամբ խառնվում է իրար, բնականաբար, Մոսոյի համար եւս խիստ անսովոր է հայտնվել քարե դարում: Նոր սիթքոմը իսկապես հետաքրքիր թեմատիկա ունի, ես վստահ եմ, որ ամեն սերիայի հետ, երբ իրադարձությունները զարգանան, հեռուստադիտողը էլ ավելի կսիրի այն, քանի որ «Քարե դարդը» իսկապես շատ հաճելի հումոր է ներկայացնելու:

-Վաչե, սիթքոմի ֆոտոշարքից կարելի է եզրակացնել, որ Ձեր հերոսը «Վիտամին ակումբում» մեզ հանդիպած եւ կրկին Ձեր մարմնավորած հերոսների շարքից է լինելու:

-    Շատ լավ է, որ կարողացել ենք մեր ֆոտոշարքը այդքան խոսուն դարձնել, նշանակում է կարողացել ենք հեռուստադիտողին նախապես հասցնել մեր միտքը: Այո, կերպարս որոշ իմաստով հեռուստադիտողին ծանոթ է. նա մի տղա է, ով ունի շատ պարտքեր, ունի իր ընդգծված բնավորությունը, որը հաճախ բավականին գրոտեսքային եւ ծիծաղաշարժ է:

-Գիտեմ, որ «Քարե դարդ» սիթքոմի սցենարի հեղինակներից մեկն էլ դուք եք, հետաքրքիր է՝ այս ուղղությամբ որպես սցենարիստ Ձեր մեկնաբանությունը նոր սիթքոմի վերաբերյալ:

-  Այո, քանի որ ես նաեւ սցենարիստ եմ, ինքս էլ ցանկացա ներգրավված լինել սցենարական աշխատանքներում: Միաժամանակ, պետք է նշեմ, որ սցենարական աշխատանքներում իմ մասնակցությունը կունենամ միայն սկզբնական շրջանում, քանի որ սցենարիստներ Վան Գրիգորյանն ու Գրիգոր Գեւորգյանը իրենց աշխատանքը շատ լավ են իրականացնում: Նրանք իսկապես շատ տաղանդավոր են եւ փորձառու, ուստի վստահաբար հետաքրքիր եւ ծիծաղաշարժ հումորն ապահոված կլինի, դե իսկ մենք՝ դերասաններս, էլ մեր իմպրովիզներով կփորձենք լրացնել եւ համեմել ներկայացվող հումորը:

-Վաչե, վերջին  շրջանում հայկական հեռուստաեթերում բավականին շատացել են սիթքոմները, արդյունքում ստեղծվում է մրցակցություն, որն էլ հաճախ որակյալ գործեր է ծնում: Հետաքրքիր է՝ ինչո՞վ է տարբերվելու «Քարե դարդը», բացի թեմատիկայից:

-  Մրցակցությունը, անկախ նրանից առողջ սահամաններում է, թե ոչ, ծնում է արդյունք: Կարծում եմ, շատ լավ է, որ այսօր շատ են սիթքոմները, անձամբ ես շատ եմ ուրախանում, երբ հումորային ծրագերը շատ են: Կոնկրետ մեր սիթքոմում հումորով զբաղվում են փորձառու մարդիկ, մեր սցենարիստները եւ դերասանները մարդիկ են, ովքեր երկար տարիներ աշխատել են հենց հումորիային ծրագրերի բնագավառում, ինչը, ըստ իս, կտա իր լավ արդյունքը: Տեսնենք, թե ինչպես կլինի, ամեն դեպքում, մենք անում ենք ամենը, որպեսզի արժանանանք հեռուստադիտողի բարձր գնահատականին եւ սիրուն:

-«Քարե դարդ» - թեմատիկայից ելնելով՝ սկսում ենք մտածել, որ գուցե լեզվական որոշ փոփոխություններո՞վ պետք է ներկայանաք, համենայնդեպս քարե դարում ապրող հերոսները:

Շարունակությունն այստեղ: