Ինչպե՞ս կատարել ամուսնության հրաշալի առաջարկություն. խորհուրդներ տղաներին

Աղջկա ամենամեծ երազանքն իդեալական ամուսնության առաջարկ ստանալն է: Բոլորն էլ երազում են լսել այդ հարցը: Բայց ինչպե՞ս: Տղաների մոտ պակասում է ռոմանտիկ ու ստեղծագործ միտքը նման կարևոր հարց տալու համար: Շատ աղջիկներ չեն ուզում սովորական սյուժե, երբ տղան ծնկի է գալիս վարդը ձեռքին և պարզապես առաջարկություն անում: Սա հին տարբերակ է: Անհրաժեշտ են նոր ու ռոմանտիկ քայլեր:

Past.am-ը առաջարկում է նոր գաղափարներ Ձեր սիրելիներին ամուսնության առաջարկ անելու համար:

1. Առաջին հերթին շատ կարևոր է, որ մնաք այնպիսին, ինչպիսին կաք: Կազմակերպեք ձեր առաջարկությունը ձեր տեսակին համապատասխան: Հետևեք սրտի ձայնին ու եղեք կրեատիվ:

2. Դասական, բայց լավագույն տարբերակներից մեկն է մոմերով ընթրիքը: Մոմերը շատ կարևոր են ռոմանտիկ երեկոյի համար: Մոմի լույսերը գեղեցիկ երաժշտության հետ ապահովում են ռոմանտիկ ամուսնության առաջարկության իդեալական մթնոլորտը: Տղաները պատրաստում են սիրելիի կամ իրենց ամենասիրած ուտելիքը, ապա անջատում են լույսերը, վառում մոմերը և միացնում գեղեցիկ երաժշտություն: Այս ամենը ստեղծում է սիրո ու ռոմանտիկ տրամադրություն:

3. Կարող եք առաջարկություն անել այն վայրում, որտեղ հանդիպել եք առաջին անգամ: Վերստեղծեք այդ նույն պահը, ապա առաջարկություն արեք: Դա կհիշեցնի հրաշալի ժամանակները և կշարժի նրա սիրտը:

4. Կարող եք հատուկ օրերի անել ամուսնության առաջարկություն, օրինակ՝ Վալենտինի օրը, Ամանորին, ձեր սիրելիի ծննդյան օրը: Վալենտինի օրը շատ հարմար տարբերակ է, քանի որ այն արդեն իսկ լի է ռոմանտիկայով ու սիրով: Բայց հետաքրքիր լինելու համար ընտրեք այնպիսի օր, որը կարևոր է ձեր երկուսի համար՝ ընկերության 2 տարին կամ ձեր առաջին ժամադրության օրը և այլն: Աղջկա համար կարևոր է, որ տղան հիշի նմանատիպ օրերը:

5. Ամուսնության առաջարկություն կարող եք անել ֆիլմ դիտելիս՝ ընդմիջման ժամանակ: Ընտրեք ռոմանտիկ, թեթև, սիրային ֆիլմ, որտեղ մասնավորապես ասում են «Կամուսնանա՞ս ինձ հետ» բառերը: Հենց այդ պահին ընդհատեք դիտումը և արեք ձեր սեփական առաջարկությունը: Հետաքրքիր կլինի տեսնել նրա արձագանքը:

6. Ձեռք բերեք վերնաշապիկ այդ գրությամբ, հագեք այն, վրայից էլ ժակետ: Տարեք նրան մոտակա այգի կամ այլ վայր, ծնկի եկեք և վերնաշապիկի միջոցով արեք ձեր քայլը:

7. Կազմակերպեք խնջույք երկուսով: Կանաչ բլուրներ, դաշտեր և սիրելիդ պառկած է կրծքիդ: Պահը ավելի գեղեցիկ կդարձնեն շոկոլադը, շամպայնը, ծաղիկները: Կարող ես շոկոլադի թղթի մեջ փաթաթել մատանին: Ավելի գեղեցիկ կդարձնեք ձեր քայլը, եթե նաև մի գեղեցիկ, ռոմանտիկ երգ երգեք նրա համար:

8. Առաջարկություն արեք ռադիոյի միջոցով: Երբ բոլորը լսում են երգերը, իսկ ընդմիջման ժամանակ հնչում է ձեր գեղեցիկ առաջարկությունը: Աղջիկները սիրում են քաջ տղաներին: Նրան նվիրեք իր սիրելի երգը: Կհնչի ձեր կատարումը ռադիոյով, ապա կզանգահարեք ու կստանաք նրա «այո»-ն: