Blog.1in.am-գրում է.
Որպեսզի Նոր տարում ձեր ընտանիքին միշտ ուղեկցի հաջողությունը՝ Ամանորին մատուցեք այն ուտեստները, որոնք պաշտում է Կապիկը: Հրե Կապիկն իսկական թալիսման կդառնա բոլոր նրանց համար, ովքեր կգոհացնեն նրան:
Ամանորյա ուտեստներ՝ Կապիկի տարվա համար
Մանդարինով պաղպաղակ
Բաղադրիչներ
- 1 կգ մանդարին
- 300 մլ սերուցք
- 400 գ. խտացրած կաթ
- Վանիլին
Պատրաստման եղանակը
1 Կեղևազրկեք մանդարինը և մանրացրեք այն բլենդերի օգնությամբ: Այդ զանգվածն անցկացրեք քամիչի միջով՝ կոշտ մասնիկները հեռացնելու համար:
2 Տարրայի մեջ խառնեք խտացրած կաթը, սերուցքը և մանդարինի ստացված զանգվածը: Ավելացրեք վանիլին:
3 Պաղպաղակը լցրեք փոքրիկ կաղապարների մեջ և դրեք, որ սառչի: Երկու ժամ հետո խառնեք այդ զանգվածը:
4 Լավ կլնի պաղպաղակը մատուցել նարինջի կեղևից պատրաստած զամյուղներով. Շատ տոնական տեսք կունենա:
Հավ Ֆլամբե (բոցավառվող)
Բաղադրիչներ
- Մեկ ամբողջական հավ
- Համեմի սերմ
- Աղ, պղպեղ
- 4 ճաշի գդալ բուսայուղ
- 1 շիշ մուգ գարեջուր
- 4 ճաշի գդալ օղի
Պատրաստման եղանակը
1 Հավի վրա բուսայուղ քսեք, ավելացրեք համեմունքները: Թողեք երկու ժամ մարինացվի:
2 Լվացեք գարեջրի շիշը, հանեք պիտակը: Փայլաթիթեղից խորը կաղապար պատրաստեք, և մեջը լցրեք գարեջրի 2/3 մասը: Գարեջրի մնացած մասը լցրեք ուրիշ տեղ, և պահեք մատուցման համար: Հավին նստացրեք շշի վրա, և մեջը տեղավորեք նաև փայլաթիթեղից կաղապարը:
3 Ջեռոցում եփեք հավը 45-60 րոպե, 180 աստիճանի տակ:
4 Մատուցելուց առաջ կարմրած հավի վրա մի փոքր գարեջուր և օղի լցրեք և այրեք: Տպավորիչ տեսք կունենա:
Բոցավառվող հավին շատ հեշտ է հանգցնել. Ուղղակի ծածկեք նրան կաթսայով և կրակը կհանգչի:
