4 խնդիր, որոնց ես հանդիպում եմ նիհարելու ճանապարհին

LIFE 10 January, 2016 1:36

Երբ նոր էի սկսում դիետա պահել, մտածում էի՝ մնացած անգամների պես կես ճանապարհից հետ կկանգնեմ, բայց փաստորեն դեռ պայքարում եմ և իհարկե չեմ պատրաստվում հանձնվել: Իրականում ես ինձ շատ բաներից եմ զրկել, նախկինում այնպիսի սովորություններ ունեի, որոնք այժմ այլև չեմ անում, իհարկե միայն և միայն իմ նպատակին հասնելու համար: Գուցե մեկը կմտածի, որ պետք չէ ինչ որ մի բանից զրկել իրեն, բայց քանի օր սա իմ օրագիրն է և իմ փորձը, ես կիսվում եմ այն ամենով ինչ ես եմ անում: Իրականում իմ նյարդերն էլ են երբեմն տեղի տալիս, երբ ուզում եմ մի քաղցր բան ուտեմ, բայց այդ պահին ինձ ինչ-որ բանով շեղում եմ, մտնում եմ նայում եմ գեղեցիկ մարմին ունեցող աղջիկների նկարներ, որոնք միանգամից մոտիվացնում են, կարդում եմ ինչ որ մի բան նիհարողների մասին: Դուք էլ, եթե որոշել եք նիհարել, երբեմն պետք է կարողանաք ձեզ շեղել, իսկ տարբերակները ինքներդ կարող եք ձեզ համար գտնել:

Այս անգամ ես առանձնացրել եմ, այն մի քանի խնդիրները, որոնք ես հանդիպում եմ նիհարելու ճանապարհին

1. Ինչ խնդիր է հանդիպում «պլուս սայզ» հագնողը, երբ գնում է հագուստ գնելու: Յուրաքանչյուր անգամ հագուստ փորձելուց, աշխատողից գրեթե միշտ հարցնում էի, իսկ մեծ չափսը չունեք, և երբ չէր լինում, կամ շարունակում էի այնքան փնտրել, որ գտնեի համապատասխան մի բան, կամ էլ գնում էի տուն, բացում սառնարակը և ինչ որ համով բան ուտում, այդպես անցնում էր նեղվածությունս: Չասեք, որ ձեզ հետ չի եղել, վստահ եմ՝ շատ ծանոք իրավիճակ է: Բայց հիմա մի քիչ պատկերը փոխվել է, 4 կգ նիհարելուց հետո ինձ արդեն նոր հագուստներն են պետք, քանի որ ներկայիս հագուստները հագիս մեծացել են Մյուս ամսի ես պատրաստվում եմ նոր հագուստներ գնել, խոստանում եմ պատմել և ցույց տալ նոր գնումներս:

2. Հաջորդը իմ ցուցակում դա, երբ ես մտնում եմ մթերքի խանութ և պետք է ինձ համար սնունդ գնեմ: Կար ժամանակ, երբ դա շատ արագ էի անում, հիմա նայում եմ որ պարտադիր կալորիականությունը քիչ լինի և շատ արագ, մեկ-մեկ էլ աչքերս փակ անցնում եմ քաղցրի բաժնի կողքով: Միշտ գնում եմ հավի կրծքամիս, հնդկաձավար, կաղամբ, բռոկոլի, կեֆիր, տավարի միս, կաղամբ, գազար:

3. Խուճապը իմ ցուցակում երրորդ տեղում է: Հիշում եմ՝ մի անգամ մարզումներից հետո, երբ ամեն ինչ ճիշտ արել էի, ճիշտ պահել է նաև սննդակարգը և պետք է առավոտյան քաշս նվազած լիներ, բայց պատկերացնում եք ինչ եղավ ինձ հետ երբ տեսա, որ 200 գրամով ավելացել եմ: Սկսվեց խուճապը, ու հարցեր, բայց ինչու պետք է այսպես լիներ, գրեցի բոլոր այն ընկերներիս ովքեր մարզասրահ էին հաճախում, գալիս եմ աշխատանքի աղջիկներին հարցնում եմ, բողոքում եմ, նեղվում եմ ու տեղս չեմ գտնում, մեր աշխատողներից մեկն էլ, ով ի դեպ հաշվում է, թե օրվա ընթացքում քանի անգամ եմ դիետա բառն ասում, և արգելել է այն առհասարակ ասել, բացատրեց թե ինչից կարող է լինել, բայց դա էլ բավարար չէի: Խուճապն անցավ, երբ վերջապես կարողացա խոսել մարզիչիս հետ, ով էլ ասաց, որ դա պարզապես ջրի չարաշահումն է և որ խուճապի մատնվելու կարիք պարզապես չկա: Հավատացեք, այնքան լավ է, որ կողքիդ լինում են մարդիկ, ովքեր պատրաստ են խորհուրդ տալ, ոգևորել, բացատրել սխալներդ, հարցնել թե այս անգամ քանի հատ պրեսս արեցիր և վերջում ասել ապրես, դա իրոք առաջ գնալու ստիմուլ է տալիս:

4. Եւ վերջապես չորրորդ կետը, երբ ինչ որ տեղ ես գնում, լինի դա երեկույթ, ծնունդ, հարսանիք, կապ չունի: Այստեղ էլ կրկին շատ բաներից ես հրաժարվում, մասնավորապես ալկոհոլից: Հիշում եմ՝ մի անգամ ընկերներիցս մեկին ստիպեցի իմ փոխարեն փորձել սեղանին եղած գրեթե ամեն ինչ և հարցնում է, իսկ համով էր: Բայց երբ տեսնում ես սեղանին մի բան, որը դու կարող ես ուտել, շատ երկար մի մտածեք միանգամից դրեք ձեր կողքին, քանի որ մնացած հյուրերի համար հաստատ այլ ուտելու բաներ էլ կան:

Սրանք իմ չորս կետերն էին, բայց ես չեմ մոռանում նաև ներկայացնում այն սննդակարգը, որը ինձ օգնում է նիհարել: Առաջ իմ սնունդի չափաբաժինները մի քիչ շատ էին, բայց քանի հիմա օրգանիզմս սովորել է քչով կշտանալուն, ես որոշել եմ կրճատել սնունդս:

Հիշում եք՝ առավոտյան մեկ բաժակ ջուր դատարկ ստամոքսին, որից մոտ կես ժամ հետո նախաճաշ:

Բռոկոլիով և լոլիկով աղցան