Ինչպես կարող ենք մեր երեխաներին երջանկացնել

Past.am

Բազմաթիվ մանրուքներ կան, որոնք մեզ համար նշանակություն չունեն, բայց փոքրիկների համար շատ կարեւոր են: Նրանց ընկալումը շատ ավելի վառ ու զգացմունքային է, մեծի համար հասարակ բանը նրանց համար կարող է բացահայտում լինել: Ահա մի քանի հնարքներ, որոնք կստիպեն փոքրիկներին փայլել երջանկությունից:

1. Մակարոնից վզնոց սարքեք, փոքրիկի պարանոցից կախեք:

2. Հատուկ ձեր երկուսի համար կարգախոս մտածեք, որը կարտաբերեք ամեն անգամ, երբ նա տխուր է:

3. Երեխայի հետ զբոսնելու գնացեք, հենց բուն զբոսնելու:

4. Դպրոցական պայուսակի մեջ թաքուն գեղեցիկ երկտող կամ շոկոլադ դրեք:

5. Նրա հետ համակարգչային խաղեր խաղացեք:

6. Արգելված որեւէ բանը մի անգամ թույլ տվեք:

7. Երեխայի հետ հավասար ատրակցիոններ նստեք ու ուրախացեք:

8. Եթե նեղացել եք, անպայման հաշտվեք:

9. Եթե սենյակում անկարգություն է տիրում, լուռ փակեք դուռը:

10. Հաճախ տարեք տատիկի տուն:

11. Նրա հետ նոր խաղեր բացահայտեք:

12. Տնային կենդանի սկսեք պահել:

13. Մի հարցաքննեք, թողեք` ինքը պատմի:

14. Սեփական ավանդույթ ստեղծեք` օրինակ` կիրակի օրերը տորթ պատրաստելը կամ նման մի բան:

15. Հարցրեք երեխային, թե ինչ կուզեր ձեզանից սովորել:

16. Թույլ տվեք հագնի` ինչ ուզում է:

17. Ընտանեկան ալբոմներ նայեք:

18. Իրար հետ բարձերով կռվեք` կատակով իհարկե:

19. Ձեր հին նամակներն ու նկարները ցույց տվեք երեխային:

20. Հաճախ երեխային շնորհակալություն հայտնեք նրա արած լավ բաների համար: