ՊԱՏՄՈՒԹՅԱՆ ԱՅՍ ՕՐԸ (3 ԴԵԿՏԵՄԲԵՐԻ). «Սառը պատերազմի» ավարտը, սրտի փոխպատվաստման առաջին վիրահատությունը, առաջին SMS հաղորդագրությունը. «Փաստ»

SOCIETY 3 December, 2024 13:31

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հաշմանդամների միջազգային օր, Ռուսաստան՝ Փաստաբանի օր, Անհայտ զինվորի օր:

ՀԱՅ-ՀԱՅԱՍՏԱՆ

1842 –ծնվել է արևմտահայ վիպասան Սրբուհի Տյուսաբը։

1842 - ծնվել է լեզվագետ, թարգմանիչ Մեսրոպ Նուպարյանը։

1864 - ծնվել է գրող Լևոն Մանվելյանը:

1896 - ծնվել է հեղափոխական, կուսակցական ու պետական գործիչ Ավիս Նուրիջանյանը:

1900 - Փարիզում սկսել է լույս տեսնել «Pro Armenia» ֆրանսերեն երկշաբաթաթերթը։

1915 - ծնվել է հանրահայտ գրող Սերո Խանզադյանը:

1920- ստորագրվել է Ալեքսանդրապոլի հաշտության պայմանագիրը Հայաստանի և Թուրքիայի միջև, որով Հայաստանն ունեցել է տարածքային ծանր կորուստներ։

1941-Երկրորդ համաշխարհային պատերազմի ժամանակ Երևանում կազմավորվել է 89-րդ հայկական հրաձգային դիվիզիան՝ գնդապետ Սիմոն Զաքյանի հրամանատարությամբ:

1958 - Երևանի կայարանամերձ հրապարակում տեղի է ունեցել «Սասունցի Դավիթ» արձանի հանդիսավոր բացումը։

1961– ծնվել է Ղարաբաղյան շարժման առաջնորդներից մեկը՝ քաղաքական գործիչ, հրապարակախոս, Հայաստանի ազգային հերոս Մովսես Գորգիսյանը:

1990– վախճանվել է ճանաչված երգչուհի Վալ յա Սամվել յանը:

2007- Հայաստանը ձեռք է բերել 1998 թվականի արտադրության «Էյրբաս» Ա-319 ինքնաթիռ, որը նախատեսվել է եղել շահագործել ներկայացուցչական նպատակներով՝ մինչ այդ օգտագործվող 1977 թվականի արտադրության Տու-134 ինքնաթիռի փոխարեն:

2008- նախագահ Սերժ Սարգսյանի մասնակցությամբ Երևանում բացվել է Բռնադատվածների հուշահամալիրը:

2010- Երևանի մարզահամերգային համալիրում ելույթ է ունեցել համաշխարհային երգարվեստի մեծագույն դեմքերից մեկը՝ Պլասիդո Դոմինգոն:

2011- Երևանի մարզահամերգային համալիրում կայացել է մանկական «Եվրատեսիլ2011»-ը:

2015-Երևանի Ազատության հրապարակում անցկացվել է «Ոչ»-ի ճակատի ուժերի (սահմանադրական հանրաքվեին ոչ ասելու) հանրահավաք և տեղադրվել են վրաններ շուրջօրյա հանրահավաքներ կազմակերպելու համար:

2016- ԲՀԿ քաղաքական խորհուրդը կոչ է արել Գագիկ Ծառուկյանին՝ «վերադառնալ ակտիվ քաղաքականություն»:

2018- «Իմ քայլը» դաշինքը Նիկոլ Փաշինյանի բերանով խոստացել է «հայտնի կոռուպցիոներներից» պետությանը վերադարձնել 2,5 միլիարդ դոլար:

2019-ԿԳՄՍ նախարար Արայիկ Հարությունյանի հետ հանդիպման նպատակով հավաքված Դաշնակցության Հայաստանի երիտասարդական միության անդամների և ոստիկանների միջև սկսվել են բախումներ. 24 անձ բերման է ենթարկվել:

2020-Նիկոլ Փաշինյանի հրաժարականը պահանջող քաղաքական 16 ուժերը ստեղծել են «Հայրենիքի փրկության շարժում» և վարչապետի միասնական թեկնածու առաջադրել Վազգեն Մանուկյանին։

2022- Շուշի-Քարինտակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին: Ռուսական խաղաղապահ առաքելության միջնորդությամբ ավելի քան երեք ժամ տևած բանակցություններից հետո մայրուղին բացվել է։

2023- վախճանվել է հայկական կինոյի ամենայուրահատուկ ստեղծագործողներից մեկը՝ կինոռեժիսոր Սուրեն Բաբայանը:

ԱՇԽԱՐՀ

1586 -առաջին անգամ Կոլումբիայից Անգլիա է բերվել կարտոֆիլ:

1596 -ծնվել է լարային երաժշտական գործիքների հանրահայտ իտալացի վարպետ Նիկոլո Ամատին:

1755 - ծնվել է ամերիկացի գեղանկարիչ Գիլբերտ Սթյուարտը:

1800 -Գոգենլինդենի (Բավարիա) ճակատամարտում ֆրանսիական գեներալ Մորոն ջախջախել է ավստրիացիներին:

1810 -Անգլիան Ֆրանսիայից հետ է վերցրել Մավրիկիան:

1818– Իլինոյսը դարձել է ԱՄՆ-ի 21-րդ նահանգը:

1883– ծնվել է ավստրիացի կոմպոզիտոր Անտոն Վեբերնը:

1919– վախճանվել է ֆրանսիացի նշանավոր նկարիչ, իմպրեսիոնիստ Օգյուստ Ռենուարը:

1948– ծնվել է «Բլեք Սաբաթ» խմբի հիմնադիրներից մեկը՝ բրիտանացի երգիչ Օզզի Օսբորնը:

1967–Քեյփթաունի (ՀԱՀ) Գրուդ Շուդ հոսպիտալում պրոֆեսոր Քրիստիան Բերնարդն իրականացրել է սրտի փոխպատվաստման առաջին վիրահատությունը՝ մահացու վիրավոր 25-ամյա կնոջ սիրտը փոխպատվաստվել է 55-ամյա հիվանդին:

1971 -սկսվել է երրորդ հնդկա-պակիստանյան պատերազմը:

1984– Հնդկաստանի Բհոպալ քաղաքի պեստիցիդների Union Carbide քիմիական գործարանում տեղի ունեցած վթարի ժամանակ մեթիլիզոցիանիդի արտահոսքի արդյունքում 3000 մարդ է զոհվել:

1989 -համարվում է «սառը պատերազմի» ավարտի օր, քանի որ ԽՍՀՄ ղեկավար Գորբաչովը և ԱՄՆ-ի նախագահ Ջորջ Բուշը հայտարարել են, որ իրենց երկրները այլևս չեն հանդիսանում հակառակորդներ:

1991 -լուծարվել է ԽՍՀՄ ՊԱԿ-ը:

1992 -ուղարկվել է առաջին SMS հաղորդագրությունը:

1997– Կանադայի մայրաքաղաք Օտտավայում 133 պետությունների կողմից ստորագրվել է համաձայնագիր հակահետևակային ականների չօգտագործման մասին:

1999 - չեչենական երկրորդ պատերազմի ժամանակ ռուսական զորքերը գրավել են Չեչնիայի մեծությամբ երրորդ քաղաքը՝ Արգունը:

Մանրամասները՝ «Փաստ» օրաթերթի այսօրվա համարում