Հայաստանը պետք է ընտրի աթոռը՝ «եվրոպակա՞ն», թե՞ «ռուսական». «Փաստ»

«Փաստ» օրաթերթը գրում է.

bloknot.ru–ն գրում է, որ Հայաստանի խորհրդարանը ցանկանում է անդամակցել ԵՄ-ին, իսկ Հայաստանի կառավարությունը նախատեսում է հանդիպել ԵՄ ներկայացուցիչների հետ և մշակել Հայաստանի եվրաինտեգրման ճանապարհային քարտեզը, սակայն այն, թե երբ դա տեղի կունենա, հայտնի չէ: Հիշեցնենք, որ խորհրդարանը երկրորդ ընթերցմամբ և ամբողջությամբ ընդունել է «Հայաստանի Հանրապետության՝ Եվրամիությանն անդամակցության գործընթացն սկսելու մասին» օրենքի նախագիծը։ Հայաստանի իշխանությունը շատ կցանկանար երկու, ավելի շուտ՝ երեք աթոռի վրա նստել, բայց դա դժվար թե հաջողվի։ Շատ պետությունների ղեկավարներ են փորձել, ոմանք նույնիսկ նստել են, բայց նախ՝ ոչ բոլորը, և երկրորդ՝ ոչ շատ երկար: Ռուսաստանն արդեն տեղեկացրել է, որ Հայաստանը պետք է ընտրի աթոռը՝ «եվրոպակա՞ն», թե՞ «ռուսական»։

Այս ֆոնին տեղին է նշել, որ ԱՄՆ–ը Հայաստանից հետ է կանչում իր դեսպան Քրիստինա Կվիենին։ Այս մասին գրել է «Իրավունք» թերթը՝ վկայակոչելով դիվանագիտական շրջանակներում իր աղբյուրները։ Ավելին, նրան կարող են դատել՝ կապված նրա՝ Ուկրաինայում ԱՄՆ գործերի ժամանակավոր հավատարմատար եղած ժամանակ կատարածների համար։ Ներկայում Վաշինգտոնը ծրագրում է դեսպանին փոխարինել չեզոք դիվանագետով։

Քաղաքագետներն ասում են, որ աշխարհում նոր իրողություններ են ի հայտ գալիս, ուստի Հայաստանը պետք է լավ մտածի, նախքան գլխապտույտ դեպի ԵՄ–ն շարժվելը։ Իսկ որոշ վերլուծաբաններ էլ չեն բացառում, որ շատ շուտով բազմաթիվ գաղտնիքներ կբացահայտվեն, որոնք կտան մի շարք հարցերի պատասխանները։ Օրինակ՝ Նիկոլ Փաշինյանին ո՞վ բերեց իշխանության, նրա իշխանության տարիներին պետբյուջեից յուրացված գումարները կպարզվեն, պարզ կդառնա, թե ո՞ւմ հարազատներն են դրամաշնորհներ ստացել ու տենդերներ շահել, ինչո՞ւ ոչ մի խոշոր ձեռնարկություն չի գործարկվել, չի եղել ոչ մի խոստումնալից ծրագիր, բացի «պայմանավորվածներից», ի՞նչ վնաս է պատճառել կառավարությունը Հայաստանին։

Համացանցի օգտատերերը լավ ծիծաղել են Հայաստանի՝ դեպի ԵՄ «երթի» վրա։ «Նրանք կարող են նաև միանալ Լատինական Ամերիկային», - մեկնաբանել է Ալ յոնա Վ.–ն: «Հիմա մնում է միայն սպասել, որ ԵՄ–ն կողմ քվեարկի դրան։ Երեխաների պես միամիտ են, Աստված իմ... Ձեր երդվյալ ընկերներին՝ թուրքերին հարցրեք, թե ինչպե՞ս է դա լինում», - նշել է Անդրեյը: «Հայաստանի հաջորդ «հաղթական» քայլը NHL-ին, NBA-ին և Մասկի լուսնային ծրագրին միանալն է», կատակել է Ալեքսեյ Օ.–ն:

Մինչդեռ Երևանում որոշել են խրախուսել բնակչությանը։ Մարտի 28-ից 30-ը մայրաքաղաքում կանցկացվի հնդկական կինոփառատոն՝ ի պատիվ հայտնի դերասան Միթխուն Չակրաբորտիի, կցուցադրվեն «դիսկո պարողի» մասնակցությամբ հանրապետությունում այդքան սիրված ֆիլմերը։ «Եկեք միասին հիշենք այն կախարդական օրերը, երբ ամբողջ քաղաքը քննարկում էր, թե ո՞վ կարող է կրկնել Ջիմիի հայտնի պարային շարժումները»,– փառատոնն են գովազդել կազմակերպիչները:

Մանրամասները՝ «Փաստ» օրաթերթի այսօրվա համարում