Ավելացած դրամական միջոցներ, աշխատավարձից ու վարկերից ստացած եկամուտ
SOCIETYԵվրոպայի խորհրդում ՀՀ մշտական ներկայացուցիչ Պարույր Հովհաննիսյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. հայտարարագիրը:
Հանձնաժողովի պաշտոնական կայքում հրապարակված փաստաթղթի համաձայն՝ նրա փոխառության գումարը հարկային տարվա սկզբում կազմել է 56 000 եվրո և 5100 ԱՄՆ դոլար:
Փոխառության գումարը 2018թ. հարկային տարվա վերջում կազմել է շուրջ 47 304 Եվրո և 6609 ԱՄՆ դոլար:
Հայտարարատու պաշտոնատար անձի դրամական միջոցները 2018թ. հարկային տարվա սկզբում կազմել են 27 000 եվրո, իսկ նշված հարկային տարվա վերջում՝ 45 200 եվրո:
Եվրոպայի խորհրդում ՀՀ մշտական ներկայացուցչի՝ ՀՀ դրամով ստացած եկամուտների հանրագումարը կազմել է 2 000 060 դրամ, որը գոյացել է աշխատավարձից:
Պարույր Հովհաննիսյանը եկամուտներ է ստացել նաև արտարժույթով: Տրված փոխառությունների (վարկերի) դիմաց ստացված տոկոսը և այլ հատուցումը բաժնում նշված է շուրջ 839 եվրո և շուրջ 286 ԱՄՆ դոլար եկամուտների մասին:
Պ. Հովհաննիսյանը Եվրոպայի խորհրդում ՀՀ մշտական ներկայացուցիչ է նշանակվել 2016թ.-ին:
ԱՆՆԱ ԲԱԴԱԼՅԱՆ