Yerevan, 18.July.2024,
00
:
00
1 $ = 0 ֏, 1 = 0 ֏, 1 = 0 ֏
BREAKING


Երևանում կայացել է Միխայիլ Շուֆուտինսկիի մենահամերգը (լուսանկարներ)

LIFE

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի Դաշնության վաստակավոր արտիստ Միխայիլ Շուֆուտինսկիի երգերը սիրում է և՛ հասուն սերունդը, և՛ երիտասարդությունը: Արտիստի ստեղծագործություններն անձնական են, միևնույն ժամանակ բոլորինն են, պատմում են սիրո, բաժանման, հին ու բարի ժամանակների, մարդկային ապրումների, երիտասարդության և ուսերին տարիների բեռ կրող մարդկանց մասին: 

Շուֆուտինսկիին Հայաստանին կապում են ոչ միայն նվիրված երկրպագուները, այլև հայ ընկերները, որոնց նախաձեռնությամբ արտիստը 75-ամյակի շրջանակում հյուրընկալվեց Երևանում և կատարեց իր հին երգերը: Ինչպես ինքն է ասում. «Հին երգերը՝ հին բարեկամների համար»: 

«Արմենպրես»-ի հաղորդմամբ՝ համերգային երեկոն տեղի ունեցավ մարտի 28-ին Կարեն Դեմիրճյանի անվան մարզահամերգային համալիրում: Միխայիլ Շուֆուտինսկիի երաժշտության ունկնդիրները երկար էին սպասել նրա հետ հանդիպմանը և անհամբերությամբ էին դահլիճից բարձրաձայնում այն երգերի վերնագրերը, որոնք ցանկանում էին լսել: Շուֆուտինսկին խոստովանեց՝ գերագույն հաճույք է 75 տարեկանում գալ Երևան, տեսնել հանդիսատեսի, որը ջերմ է, սիրում է իրեն ու հիշում անգամ ամենահին երգերը: 

«Երբ դեռ շատ երիտասարդ երաժիշտ էի, ինձ հրավիրեցին հայ երգչուհի Լոլա Խոմյանցի ջազային խումբ: Նա մեր երկրի լավագույն ջազ երգչուհիներից մեկն էր: Լոլայի հետ նվագելը, նրան նվագակցելը մեծ երջանկություն էր: Խոմյանցի հետ համերգներով պտտվեցինք ամբողջ երկրում: Նրա ամուսինը՝ Արտաշես Ավետյանը, որ Թեհրանից էր, հայկական անբացատրելի գեղեցիկ երգեր էր կատարում: Այդ ժամանակից շատ եմ սիրում հայկական երաժշտությունը, էլ չեմ խոսում այնպիսի դասականների մասին, որոնցից է Արամ Խաչատրյանը: Ես մեծ հաճույքով ու անկեղծ սիրով եմ եկել Երևան, որտեղ վաղուց չէի եղել»,-լրագրողների հետ զրույցում ասաց Շուֆուտինսկին և հավելեց՝ տասը մատի պես գիտի Հանրապետության հրապարակը, որին կից հյուրանոցում հյուրընկալվել է տարիներ առաջ:

Նա խոստովանեց՝ չի կարծել, որ իր համեստ ստեղծագործական գործունեությունը կարող է բազմաթիվ մարդկանց գրավել, երգերը՝ դառնալ նրանց սեփականությունը: Արտիստը դա մեծ ձեռքբերում է համարում: «Պարզապես ապրելը, համեղ ուտեստներ վայելելը, լավ խմիչքներ խմելը, թանկ մեքենաներ վարելն ու լավ ֆիլմեր դիտելը դեռ ոչինչ չեն նշանակում: Պետք է անել մի բան, որ գա պահը, և ինքդ քեզ խոստովանես, որ սա այն է, ինչով կարող ես հպարտանալ»,-հավաստիացրեց երգիչը:

Համերգային երեկոյին դահլիճը բուռն ծափահարում էր, «բրավո» էր վանկարկում ու ոգևորում Շուֆուտինսկիին, նրա երաժիշտներին ու պարողներին, սակայն «Սեպտեմբերի 3» երգը, որի երաժշտության հեղինակն Իգոր Կրուտոյն է, իսկ խոսքերի հեղինակն Իգոր Նիկոլաևը, կատարեցին բոլորը: Այդ երգն այնքան մեծ հնչեղություն է ստացել Ռուսաստանում, որ սեպտեմբերի 3-ը հասարակությունն անվանել է Շուֆուտինսկիի օր: «Երգը ծնվել է 1993 թվականին: Սկզբում այն այնքան էլ հայտնի չէր, սակայն տասը տարի անց հիթ դարձավ, շատ սիրվեց ու մինչ օրս հնչում է: Երգի ստեղծման 30-ամյակի առթիվ սեպտեմբերի 3-ին Մոսկվայում համերգով ենք ներկայանալու»,-ասաց Շուֆուտինսկին: Նա չի կարող բացատրել երգի տարածման գաղտնիքը: Երգը կենսագրական չէ, պատմությունը կապ չունի ոչ՛ երգչի, ո՛չ Կրուտոյի, ո՛չ Նիկոլաևի անձնական կյանքի հետ: Այն հորինված է: «Երկու Իգորներն ուղղակի լավ երգ են գրել»,-շեշտեց Շուֆուտինսկին և ընդգծեց՝ մեծ տարբերություն կա դեպրեսիվ ու այս երաժշտության միջև: Ըստ երգչի՝ «Սեպտեմբերի 3» երգում կա բաժանում, ցավ, վիրավորվածություն, բայց այն դեպրեսիվ չէ, դրամատիկ է, սակայն խոստումնալից է ավարտվում ու չի խլում հույսերը:

Լրագրողներն արտիստի հետ զրուցելու հնարավորություն ունեցան Շառլ Ազնավուրի անվան հանդերձասրահում: Խոսելով մեծն շանսոնյեի մասին՝ Շուֆուտինսկին ասաց, որ նա մեծանուն և հանճարեղ մարդ էր: «Հրաշալի գիտեմ Ազնավուրի կենսագրությունը: Մի առիթով նրան հարցնում եմ, թե կյանքի վերաբերյալ ինչ ծրագրեր ունի: Ազնավուրն էլ պատասխանում է, որ մեծ ծրագրեր ունի. պատրասվում է ապրել մինչև հարյուր տարի և երգել 900 տարի»,-հիշեց Շուֆուտինսկին: Նա փոքր ժամանակ երազել է երկու անիվով հեծանիվ ունենալ: «Մեր բակում առաջինը ես ունեցա այդ հեծանիվը: Այլ երազանքներ ևս եղել են: Երազել եմ, որ իմ որդիները, թոռնիկները երբեք չառնչվեն պատերազմի հետ: Երազում եմ ավելի երկար ապրել, որպեսզի հաճախ հանդիպեմ ձեզ: Մարդուն ինչ է պետք, որ պատերազմ չլինի, որ մեր ծնողները, երեխաները, հարազատները առողջ լինեն ու երջանիկ»,-եզրափակեց Միխայիլ Շուֆուտինսկին: 

Արտիստը համերգային երեկոն ավարտեց «Մարջանջա» երգով: Բոլոր ներկաները պարում էին, ձայնակցում նրան: Շուֆուտինսկին ևս մեկ անգամ շնորհակալություն հայտնեց հյուրընկալության համար և խոստացավ վերադառնալ, եթե երկրպագուները ցանկանան:

Լուսանկարները՝ Հայկ Հարությունյանի

Ucom’s fixed network has reached Byureghavan How is the largest solar power plant in Armenia built? AMD 4․046․161 to the Strong Mind NGO. July's beneficiary is the SIA Armenia programUcom is the main sponsor of the Armenian team at the Summer Olympic Games Get 3000 idcoins by synchronizing your Idram and IDBank accountsNo payment via Idram? More than 21,000 points of sale accept payment via IdramUcom Offers New Affordable Bundle for Subscribers Traveling This Summer Ucom’s General Director Participated in The Silicon Mountains Shirak Technology Forum Ameriabank and COAF Pool Efforts to Develop Beekeeping in Lori Region Araratbank allocates $10 million in funding to women entrepreneursMoody's Ratings affirms ratings of Unibank with positive outlook on the long-term deposit ratings AraratBank convenes Annual General Meeting of Shareholders The Silicon Mountains Shirak Technology Forum will take place with Ucom’s support Renowned Pianist Hayk Melikyan in South America: A Tribute to Armenian Classics The CB RA has granted permission for the cooperation of UBPAY Armenian and KWIKPAY international transfer systems Futsal tournament Galaxy Champions League 2024 kicks off Ucom Hosts a Student Program during the Summer HolidaysSaving on Wildberries with IDBankAmio Era. Memorandum was signed with the Armenian National Agrarian University IDBank issues the 3rd tranche of dollar bonds of 2024Ucom’s General Director Spoke about Personal Growth and Quality Management EventHub.am is the official ticketing agent for the concert of the world renowned Black Eyed Peas in TbilisiUcom Launches New Postpaid Packages Amio Era. Memorandum was signed with Yerevan State UniversityExclusive access to all EURO 2024 games for Ucom subscribers idcoin: New tool in IDBank’s loyalty systemUcom’s Fixed Network Launches in Nor HachnAbout 173 Million Drams and More Than 30 Beneficiary Funds. "The Power of One Dram" is 4 Years OldAmio Era. Memorandum was signed with Russian-Armenian UniversityThe Power of One Dram to The Road of Life: July's Beneficiary is Strong MindAraratBank places dollar bonds Yerevan State University and Ucom signed a Memorandum of Cooperation Amio Era: Memorandum was signed with the Armenian State Pedagogical University after K. Abovyan IDBank and Dalma for the Caucasian Deer Reintroduction ProgramThrough Ucom’s Support the 12th Sunchild Festival Concludes Carpisa gift card worth AMD 50.000 from IDBankAmio Bank and Visa celebrated the launch of the Visa Business Signature CardUcom’s General Director participates in Graduation Ceremony of Leadership SchoolExclusive Georgian Music Concert in Yerevan EPIC Applauds EWC Armenia 2024 National Prizewinners Three Victorious Startups Advance to Global CompetitionUcom Supports Youth Environmental Education The 12th "Sunchild" Environmental Festival Launched with Ucom's Support "Armavir" branch of AMIO Bank was reopenedAraratBank completes placement of bonds ahead of schedule Amio Era. Memorandum was signed with Yerevan Brusov State University of Languages and Social Sciences Tree Planting Results with My Forest Armenia: The Power of One Dram Your home is in Armenia – Ameriabank offers mortgage loans for the Diaspora Ucom Supports the Next “SunChild” Festival in Armenia Ameriabank՛s Trade Finance portfolio enriched with four prestigious awards from EBRD and IFCAmio Bank has signed a memorandum with the Ministry of Education, Science, Culture and Sports of RA within the framework of the corporate social responsibility program