Ինչպես են կարմիր եւ կապույտ գույները կառավարում ձեր պահվածքը

Համաշխարհային սարդոստայնում հետաքրքիր հոդված գտանք: Առաջարկում ենք մտածել դրանում ներկայացված թեմայի շուրջ: 

Պատկերացրեք, որ հսկայական կոճակ ունեք, որը սեղմելով՝ կարող եք ոչնչացնել ամբողջ մոլորակը: Փորձեք պատկերացնել այդ կոճակը: Պատկերացրեցի՞ք: Ի՞նչ գույն ունի այն: Մարդկանց 100%-ի մոտ այն կարմիր կլինի: Երկու գույների՝ կարմրի եւ կապույտի, մեր օրգանիզմն այնքան մոգական է արձագանքում, որ գիտությունը մինչեւ հիմա ձեռքերն է տարածում:

Եվ այսպես, ինչպե՞ս են այդ կախարդական գույներն ազդում Ձեր կյանքի վրա:

1. Ձեզ չվաստակած առավելություն է տալիս

2004 թվականի Օլիմպիադայի ժամանակ հաշվել են, որ դատավորների կողմից ամենաշատ միավորները ստացել են կարմիր հագուստով մարզիկները: Եթե կարծում եք, որ կարմիր գույնի «հզորությունը» բացատրվում է այն հանգամանքով, որ մանկությունից մենք սովոր ենք ահազանգող կարմիր նշաններ եւ հրշեջ մեքենաներ տեսնել, այդ դեպքում ինչո՞ւ են կապիկներն այդ գույնին մեզ նման արձագանքում:

Հետազոտության ընթացքում մասնագետները մակակներին կերակրել են կարմիր, կապույտ եւ կանաչ հագուստով: Կանաչ եւ կապույտ գույների դեպքում որեւէ խնդիր չի առաջացել: Իսկ ահա կարմիր գույնին կապիկներն արձագանքել են այնպես, կարծես նրանց թունավոր սնունդ են առաջարկել: Կարմիրը նրանց համար վտանգ է նշանակել: Իսկ վտանգն ինչ-որ առումով ե՛ւ ուժ, ո՛ւ հզորություն է նշանակում: Կարմիրի մոգական ուժի հավաստումները բազմաթիվ են: Օրինակ՝ շրթներկը: Ոչ ոքի համար գաղտնիք չէ, որ վառ կարմիր շրթներկով կանայք տղամարդկանց կողմից ավելի մեծ ուշադրության են արժանանում: Եթե կարծում եք, որ կարմիր շրթներկը Ձեզ չի սազում, կարմիր շապիկ հագեք: Հետազոտությունը ցույց է տվել, որ կարմիր շապիկով մատուցողուհիներին տղամարդիկ 14.6-26.1%-ով ավելի շատ թեյավճար են թողնում:

2. Ազդում է մտավոր ունակությունների վրա

IQ թեստ հանձնելուց առաջ կարմիր գույնի նայելու դեպքում ավելի ցածր արդյունք կարձանագրեք: Ընդ որում՝ զգալիորեն ցածր: Կարմիր գույնով շրջապատված ուսանողները հնարամտություն պահանջող խնդիրներն ավելի վատ են լուծել, քանի որ գույնը նրանց զգուշավորության է մղել: Իսկ եթե միշտ զգոն եք եւ խաբեություն եք սպասում, դժվար է արդյունավետ մտածել:

Այդ դեպքում, ո՞ր գույնը կարող է վերադարձնել Ձեր սառնասրտությունն ու ողջախոհությունը: Այն գույնը, որն աչքի առաջ է գալիս «ցուրտ» բառն արտաբերելիս, այսինքն՝ կապույտը: Կապույտ գույնը թուլացնում է մեր նյարդային համակարգը: Կապույտն ասոցացվում է երկնքի եւ ծովի՝ երկու հսկայական բաց տարածությունների հետ:

3. Ձեզ ֆիզիկապես ավելի ուժեղ է դարձնում

Հետազոտության ընթացքում ուսանողներին խնդրել են ուժաչափի օգնությամբ փորձել սեփական ուժը: Տեսողական ազդանշանները կարմիր, մոխրագույն եւ կապույտ ֆոն են ունեցել: Հետազոտողները կապույտ գույնի մեջ զարմանալի հատկություններ են բացահայտել: Օրինակ՝ կապույտն օգնում է արթնանալ... եթե անգամ կույր եք: Հարկավոր չէ «տեսնել» այդ գույնը, այն փոխում է Ձեր մարմնի քիմիական կազմը: Ավելին, հիշողության թեստ անցնողները լավագույն արդյունքները ցուցաբերել են գերազանցապես կապույտով լուսավորված տարածքում: Սակայն, ցավոք, էլեկտրոնային նոր սարքավորումները հիմնականում ավելի կարճ՝ «երկնագույն» ալիք են օգտագործում, ինչն ավելի հարմար է աչքերի համար ու ավելի արդյունավետ: Ցավոք, քանի որ երկագույն լուսավորումը կարող է անքնության պատճառ դառնալ:

4. Կարող է բուժել Ձեզ

NASA-ի մասնագետները պարզել են, թե ինչ է տեղի ունենում, երբ մեր թանկարժեք բջիջները մոտեցնում ենք սպեկտրի մոտակա ինֆրակարմիր հատվածին, եւ տեխնոլոգիա մշակել, որը թույլ է տալիս երկար լուսային ալիքների ճառագայթման օգնությամբ առողջացնել մարդու օրգանիզմի բջիջները: Այդ սարքը փորձել են օգտագործել այրվածքների, մաշկի վրա դիաբետիկ խոցերի բուժման համար ու տպավորիչ արդյունքներ արձանագրել: Կապույտ գույնը նույնպես որոշակի առավելություններ ունի: Այն չափազանց տհաճ է մանրէների համար եւ կարող է «սառեցնել» եռացող կրքերը:

5. Եվ վերջապես, գույնն ազդում է Ձեր գնումների վրա

Երբ ընկերությունները միլիոններ են ծախսում տարբերանշան մշակելու եւ դրա գույնն ընտրելու համար, դա անում են ո՛չ այն պատճառով, որ փողերը ծախսելու այլ տեղ չունեն: Այդ ամենն արվում է մեր գունային «կոճակները» գրագետ կերպով սեղմելու համար: Օրինակ՝ առցանց-խանութների պարագայում: Պարզվում է՝ մարդիկ ավելի շատ գնումներ են կատարում կարմիր ֆոն ունեցող էջերից, սակայն միայն այն դեպքում, երբ իսկապես մրցունակ ապրանք են տեսնում: Միաժամանակ, նրանք կարող են զգուշանալ եւ շահ ստանալու հնարավորություն փնտրել:

Այլ հարց է, երբ էջի ֆոնը կապույտ է: Այն մարդուն առատաձեռնության է տրամադրում եւ ավելի շատ գնումներ կատարելու ցանկություն առաջացնում: Բացի այդ, հետազոտությունները ցույց են տվել, որ կապույտ շրջակայքը գնորդին հաճախ մղում է փողերը ծախսերը հենց այդ պահին՝ չհետաձգելով գնումները: Մարդկանց ակնհայտորեն գրավում են վառ եւ տաք գույները, սակայն, ամեն դեպքում, երկնագույնի եւ կանաչի սառը երանգները մարդկանց մեծ մասին դրական ու հաճելի են թվում: Դրանք անվտանգության զգացողություն են առաջացնում: 

Աղբյուրը՝ NEWS.am STYLE