Կանանց ութ SMS հաղորդագրություն, որոնք զայրացնում են տղամարդկանց

Եվ այսպես, որոնք են կանանց ուղարկած այն ութ SMS հաղորդագրությունները, որոնք զայրացնում են տղամարդկանց։

Որտե՞ղ ես

Եթե դուք պայմանավորվել եք հանդիպել պուրակում, ու դու այնտեղ կանգնած մրսում ես, ապա կարելի է այս հաղորդագրությանը նույնիսկ որեւէ ճոխ հայհոյանք էլ ավելացնել: Բայց եթե նա գնացել է ընկերների հետ գարեջուր խմելու ու հակառակ խոստումին՝ մինչեւ կեսգիշեր չի վերադարձել, նման բան գրել չէ պետք: Դու նրա մայրիկը չես, ու նա էլ փոքրիկ տղան չէ, որը ժամանակին չի վերադարձել զբոսանքից: Մի խոսքով, կարիք չկա նման բաներ գրել: Այլապես, վիճաբանությունն անխուսափելի է։

Ինչո՞ւ չես պատասխանում

Եթե նա չի պատասխանում, ուրեմն ամենայն հավանականությամբ, չի կարող պատասխանել այդ պահին: Եվ այդ պահին հեռախոսի անվերջանալի զանգը սարսափելի զայրացնում է:

Ինչպե՞ս կարող էիր այդպես վարվել

Նախ՝ հարաբերությունները SMS գրագրությամբ պարզաբանելը տգեղ է: Եվ հետո, դու գոնե պետք է նշես, թե ինչ նկատի ունես: Քանի որ եթե նա իրականում ինչ -որ սարսափելի բան արած լիներ, դու նրան հաստատ կզանգահարեիր, այդպես չէ՞: Իսկ եթե սարսափելի բան չէ, ուրեմն նա դժվար թե հասկանա, թե ինչի մասին է խոսքը: Ի դեպ, իսկ ինչի՞ մասին է խոսքը: Առաջին համբույրի օ՞րն է մոռացել: Այ քեզ սարսափ, ինչպե՞ս կարող էր ...

Ինչո՞ւ ես լռում: Ո՞ւր ես կորել

Այո, այո, իշխիր ու ստորացրու: Ստիպիր, որ նա արդարանա ու իրեն մեղավոր զգա: Թող անհապաղ որեւէ ճշմարտանման պատճառ մտածի ու կարեւոր չէ, թե ինչու է նա իրականում լռում: Դու միեւնույն է այդ ամենը չես իմանա, քանի որ ստիպում ես, որ նա ծանրակշիռ պատրվակ մտածի ու ստի:

Ասա ինձ, ի՞նչ խնդիր կա մեր հարաբերություններում

Տղամարդու հետ հարաբերություններ խզելու լավագույն միջոցը նրան նման հաղորդագրություն ուղարկելն է: Եթե նա չպատասխանի՝ ուրեմն անհոգի անասուն է: Եթե պատասխանի «Ամեն ինչ նորմալ է» կամ էլ «Արի հետո խոսենք այդ մասին», ապա դարձյալ անհոգի անասուն է։ Պարզ է, նա քո նկատմամբ անտարբեր է, հակառակ դեպքում կգրեր, թե ինչ խնդիր կա: Բայց եթե նա քեզ գրի, թե ձեր հարաբերություններում իրականում ինչ խնդիր կա, նա նորից անհոգի անասուն կլինի. միթե՞ կարելի է նման բաները պարզաբանել SMS գրությունով: Մի խոսքով՝ ինքներդ ձեզ եւ նրան անելանելի դրության մեջ եք դնում: Պատկերացնո՞ւմ եք, թե որքան եք դրանով զայրացնում նրան:

Որեւէ համեղ բան գնիր

Գիտես, թե նա քեզ ինչ կպատասխանի: Ճիշտ է: «Հատկապես ի՞նչ »: Եվ այդ դեպքում պետք չէ պատասխանել՝ «դե որեւէ համեղ բան »: Նա ի՞նչ իմանա, թե համեղ բան ասելով դու այդ պահին ինչ նկատի ունես: Ահա, տեսնում ես, չի իմանա ու դրա համար էլ նրան այդքան կբարկացնի ձեր SMS-ը: Քանի որ նա արդեն մեկ անգամ քեզ բերել է շոկոլադ, ելակ ու չիզբուրգեր, իսկ հետո պարզվել է, որ դու մարինացված լոլիկ էիր ուզում, գրիլ հավ ու գինի: Այնպես որ նշեք՝ թե հատկապես ինչի ախորժակ ունեք եւ այդ խեղճ տղային իզուր մի տանջեք ձեր հանելուկներով:

Մենք պետք է խոսեք

Սա ամենասարսափելի SMS-ն է, որը կարելի է պատկերացնել: Քանի որ այն կարող է ինչ ասես նշանակել: Նա ինչ-որ սխալ բա՞ն է արել: Դու որոշել ես բաժանվե՞լ նրանից: Դու հղի՞ ես: Դե, գրողը տանի, ի՞նչ է պատահել: Եթե քեզ շտապ պետք է խոսել այն պահին, երբ զանգելը ոչ մի կերպ չի ստացվում, ապա գոնե գրի, թե ինչի մասին է խոսքը: Այդ ձեւով դու կկարողանաք կանխել կաթվածը, որը սպառնում է ձեր տղամարդուն:

Դու ինձ սիրո՞ւմ ես

Վարկանիշային աղյուսակի առաջատարն է աշխարհի ամենահիմար հարցը, որը պատասխան չունի, քանի որ «այո» պատասխանը քեզ չի բավարարի: Չէ՞ որ դու դրա համար չես հարցնում: Դու հարցնում ես, որովհետեւ սիրո բացահայտ դրսեւորումների պակաս ունես: Գուցե՞ արժե, որ նա քեզ ավելի հաճախ գրկի, հաճոյախոսություններ ասի կամ էլ պարզապես քեզ հետ ավելի շատ ժամանակ անցկացնի: Համենայն դեպս միակ բանը, որ չես ուզում լսել ի պատասխան՝ դա ադ կարճ «այո»-ն է: Ու նա գիտի այդ մասին: Դրա համար էլ չգիտի, թե ինչ պատասխանի: Սիրային բանաստեղծությո՞ւն ուղարկի քեզ...

Աղբյուր՝ Cosmo

 

NEWS.am STYLE