2015-ը BlogNews.am-ում. ո՞վ էր տարվա բացահայտումը, ի՞նչ հետաքրքիր դեպքեր գրանցվեցին ֆոտոշարքերի ընթացքում և ի՞նչ նոր նախագծեր արվեցին

LIFE 31 December, 2015 13:44

BlogNews

Մի քանի ժամից դուք էլ կամփոփեք ձեր 2015 թվականը, ինձ էլ ամփոփելու համար մնացին հաշված ժամեր, բայց նախ ամենակարևորի մասին: Այս տարի BlogNews.am-ում ստեղծվեց նոր բաժին՝ «BlogNews Exclusive»-ը, որն արդեն ներկայացանում է սեփական ֆոտոնախագծերը և լրատվությունը: Սա այն դեպքն է, երբ կարող ես պատմել բոլոր նյութերից ստացած տպավորությունների և այն դրվագների, որոնք դուրս են մնացել ֆոտոխցիկի օբյեկտիվից:

Ուզում եմ սկսել BlogNews.am-ի ֆոտոշարքերից, որոշների մասին իմ գործընկերուհի Ամալյա Հովհաննիսյանն արդեն պատմել է: Պետք է ասեմ, որ մենք ֆոտոշարքերին հատուկ մոտեցում ենք ցույց տալիս, նախ թիմով քննարկում ենք, մտածում, մշակում մի քանի գաղափարներ, հաշվի առնում հայտնի մարդու առանձնահատկությունները և կարծիքը: Պատրաստվում ենք մաքսիմալ լավ, անում որակյալ ֆոտոշարք և ամենակարևորը` հիշվող: Դրանցից առանձնացրել եմ մի քանիսը, որոնց մասին կպատմեմ:

Երգչուհի Ռիփփի ֆոտոշարքին երկար պատրաստվեցինք, սկզբում քննարկում էինք միտքը, հետո ընտրեցինք վայրը, որից հետո կարվեց հագուստը: Երգչուհու հետ աշխատելը հեշտ էր, նկարահանման հետաքրքիր դրվագներ էլ գրանցվեցին, երբ լողավազանը խորն էր, իսկ Ռիփփին կարճահասակ լինելու պատճառով ամեն կարպ փորձում էին ջրի վերևում պահել իրեն: Բայց ամեն բան հաջող ավարտվեց, որի արդյունքում էլ ստացանք վառ, ինչու ոչ նայև սեքսուալ լուսանկարները:

Դերասանուհի, հաղորդավարուհի Աննա Գևորգյանի ֆոտոշարքն էլ մինիմալիստական էր: Հաշվի առնելով նրա նրբությունը, որոշեցին այն անելի ավելի բաց և նուրբ գույների մեջ: Աննայի համար ևս կարվեց զգեստ, իսկ լուսանկարները պարզապես եթերային էին ստացվել: Դե էլ չասեմ, թե որքան հաճելի էր աշխատել, երբ Աննայի մեծ դուստրը` Լեան վազվզում էր տարածքում:

Դերասանուհի Անատի Սաքանյանի հետ երբ հանդիպեցինք, որոշեցինք անել տարբերվող մի բան, այնպիսի ֆոտոշարք, որ դերասանուհին դեռ չէր ունեցել; Որոշեցինք, որ կարելի է թղթից զգեստ «կարել»: Ասեմ, որ ասեղ և թելի փոխարեն մեզ պետք եկավ միայն շատ թուղթ, կպչուն ժապավեն և մկրատ: Երեքով մոտ մեկ ժամում կարողացանք գլուխ բերել այդ զգեստը, իսկ արդյունքում ստացվեցին այս լուսանկարները:

Հաջորդը հաղորդավարուհի Մարինա Գրեգն էր, որոշեցինք որ նրա գզեստն էլ պետք է hand made լինի, դե եթե Անատին կրել էր թերթից զգեստ, մտածեցինք, Մարինայի համար էլ «կարել»տոպրակից: Ի դեպ Մարինան դեմ չէր, ավելին հավանել էր իր զգեստը: Նկարահնման ընթացքում միայն քամին և թեթև անձրևն է խանգարում, բայց հաղորդավարուհին անգամ դրանից չբողոքեց, արդյունքում ստացվեցին այս լուսնակարները:

Երբ Աստղիկ Սաֆարյանը Իսպանիայից վերադարձավ Հայաստան, զանգահարեցինք նրան և պայմանավորվեցինք ֆոտոշարքի համար: Իմանալով նրա հետաքրքիր ոճն և ճաշակը, որոշեցինք նրան լուսանկարել ավելի ֆեյշն ոճում: Հիշում եմ` նկարահանման օրն անձրև էր գալիս, ես և Աստղիկը նրա մեքենայով էինք գնում նկարահման վայրը, քանի որ դրսում պետք է նկարեինք, պատկերացում չունեի անգամ ինչպես ենք անելու այդ հեղեղին: Այդ ժամանակ Աստղիկն ասաց, «լավ լուսանկարների համար ես անձրևին էլ կնկարվեմ»: Բայց գիտեք ինչ եղավ, երբ հասանք նկարահանման վայր անձրև միանգամից կտրվեց և արև շողաց:

«Ֆուլ Հասու» սիթքոմի դերասանուհի Ադրիանայի ֆոտոսեսիայի վրա էլ երկար աշխատեցինք: Մտքերը տարբեր էին, բայց ամենակարևորը պետք էր անել մի բան, որ հիշվող լիներ: Ադրիանային պատկերացրեցինք տիկնիկի կերպարում, կարեցինք հագուստ, արվեց գեղեցիկ դիմահարդարում, արդյունքում էլ ստացանք այս լուսանկարները:

Դերասանուհի Մարիամ Մելիքյանը մեզ վստահեց իր հղի կարգավիճակում առաջին ֆոտոսեսիան, այդ ժամանակ էլ պատմեց կյանքի նոր փոփոխության մասին: Հիշում եմ` Մարիամն այնքան էր հավանել լուսանկարները, որ երկար ժամանակ ֆեյսբուքյան էջից չէր հանում:

Սիրում եմ մեր ընտանեկան ֆոտոշարքերը, երբ աշխատում ես երեխաների հետ, չնայած բարդ է, բայց միևնյուն ժամանակ չափազանց հաճելի: Դրանցից կառանձնացնեմ պարուհի Մարինա Մարտիրոսյանի և երգչուհի Լայանայի ընտանիքներին: Նրանց հետ չափազանց հաճելի էր աշխատել: Մարինայի երեխաները` Ռաֆայելան և Առնոն, իսկական կրակ էին, իսկ Լայանայի դուստրն`Էլինան, ավելի հանգիստ էր. նկարահանման վերջում էլ քնեց:

BlogNews.am-ը 2015-ին ունեցավ նաև հատուկ նախագծեր`«Իմ հոգու թռիչքը». նախագիծ պարի մասին և «Երկաթե մարմին », ֆիթնես աղջիկների մասնակցությամբ: Աստղիկը, Ալսուն, Սյուզին ցույց տվեցին, ինչպես է կարող է լինել մարզված աղջիկը և շատերի համար մոտիվացիա դարձան: 2016 թվականին էլ այսպիսի նախագծերի պակաս չի լինի:

Մենք չենք մոռացել նաև սպորտի մասին` բոդիբիլդեր Լևոն Հովհաննիսյանը բացահայտեց իր հաջողությունները, իսկ Արման Ղարիբյանն էլ պատմեց ինչպես իր ձեռքբերումների, այնպես էլ խոսեց ինչպես նիհարել և զանգված հավաքել:

Գիտեք` հատուկ ուզում են նաև առանձնացնել մի անվանակարգ, «Տարվա բացահայտում» մոդել` Վահագն Մարտիրոսյան: Վահագին լուսանկարեցինքբրիտանական ոճում, որից հետո նա բազում առաջարկներ ստացավ` նկարահանվեց տեսահոլովակներում, դարձավ երևանի ինտերնետային կապերից մեկի գովազդային դեմքը, ինչպես նաև առաջատար հյուրանոցներից մեկը նրան նկարահանեց իր գովադային հոլովակում: Այո, BlogNews.am-ն նաև նոր դեմքեր է բացահայտում:

BlogNews.am-ն չի մոռացել օվկիանոսից այն կողմ ապրող մեր հայտնիներին` Էնջլ Մարտիրոսյանին, Մեգգի Գրիգորյանին, վարսահարդար Կարեն Մադաթյանին, Արթուրին և Սվետլանա Բոսնոյանին, ովքեր ամուսնացան 2015 թվականին, այդ մասին մենք ևս գրեցինք:

2015 թվականին ակտիվ ենք պահել նաև մեր ֆեյշն բաժինը, հարցազրույցներ ենք ունեցել հայ առաջատար դիզայներներ` Ֆաինա Հարությունյանի և Վահան Խաչատրյանի հետ, պատմել ենք նրանց հագուստների գնային քաղաքականության և ֆեյշ ինդուստիրայի մասին: Սրանով իհարկե չենք սահմանափակվելու:

Սա մեր 2015-ն էր, հոսով եմ` ձերն էլ նույնքան հաջող էր, կհանդիպենք 2016-ին էլ ավելի լավ ֆոտոպատմություններով և նախագծերով:

Հեղինակ` Սիրանուշ Գրիգորյան

Լուսանկարները` Կարեն Հովհաննիսյանի և Կարեն Դավթյանի