Yerevan, 02.May.2024,
00
:
00
1 $ = 0 ֏, 1 = 0 ֏, 1 = 0 ֏
BREAKING


Հեղափոխության տրամաբանությունը, քայլելու հաշվիչը և թիմային քաոսը. «Փաստ»

ANALYSIS

«Փաստ» օրաթերթը գրում է.

Պատմական փորձով ապացուցված է, որ հեղափոխությամբ ձևավորված իշխանությունները ունենում են բավականին խառը կազմ և ռիթմ, անհստակ ծրագիր: Լա՞վ է սա, թե՞ վատ, այլ հարց է: Բայց իրողությունն այն է, որ հեղափոխությունից հետո դեռևս երկար ժամանակ է պահանջվում, որպեսզի նոր իշխանությունները զտվեն, հստակեցվեն ներքին հիերարխիան, գաղափարախոսությունը, ծրագիրը, առաջնահերթությունները: Հայաստանն այս առումով բացառություն չէ, մանավանդ, եթե հաշվի առնենք, թե ինչ տարբեր քաղաքական մոտեցումներ և կենսագրություն ունեցող մարդիկ էին կանգնած հեղափոխական հարթակում: Եվ ինչպես պատմական օրինաչափությունների, այդպես էլ Հայաստանի դեպքում, նման խառը իրավիճակներում հստակ է միայն մեկ բան՝ առաջնորդի անձն ու գործառույթները: Մնացյալը ձևավորվում և կայանում է հընթացս: Վերոնշվածի վառ դրսևորումներին մենք ականատես ենք լինում հեղափոխության առաջին օրերից, իսկ վերջին շրջանում այդ դրսևորումներն առավել ցայտուն են դառնում: Հաճախ է պատահում, երբ Փաշինյանն, օրինակ, հայտարարում է մի բան, հետո նրա խորհրդականները կամ նրա կաբինետի անդամներն այլ բան են ասում: Ընդ որում, խոսքը ոչ միայն հայեցակարգային տարընթերցումների մասին է, այլև հասարակ տեղեկատվական առիթների, որոնց շուրջ հնչող հակադիր, իրարամերժ հայտարարությունները ենթադրել են տալիս, որ իշխանության ներսում չկա միասնական կառավարման առանցք, միասնական օրակարգ և շատ հարցեր պարզաբանվում են «ոտքի վրա» սկզբունքով:

Հեռու ենք այն մտայնությունից, որ լավ թագավոր, վատ արքունիք մոդելը նպատակադրված ներմուծվում է քաղաքացիների գիտակցության մեջ, բայց միաժամանակ անհնար է տեսնել, որ Փաշինյանի բարձր վարկանիշի պայմաններում՝ իշխանության ընդհանուր ճակատում առկայծող տարընթերցումները վերագրվում են իշխանությանն ու իշխանական թիմին ընդհանրապես՝ դրանից տարանջատելով Նիկոլ Փաշինյանին: Սա՝ ընկալման իմաստով: Իսկ իրականում, գործառնական իմաստով, ինչքան թույլ է թիմային փոխըմբռնումը, այդքան թույլ է թիմի առաջնորդը: Եվ եթե հիմա խնդիրը սահմանափակվում է հայտարարությունների միջև եղած տարընթերցումներով, ապա կա վտանգ, որ նույն կերպ շարունակելու դեպքում փոխկապակցվածության բացակայությունը կարող է դառնալ աշխատանքային ոճ:

Խնդրի արմատները պարզ են. ներկայիս իշխանությունը ձևավորվել է ոչ թե նախապես կազմված նախընտրական ցուցակով, որտեղ ըստ համարների ֆիքսված կլիներ որոշակի ուղղահայաց հիերարխիա՝ դրանից բխող ֆունկցիոնալ համադրելիությամբ, ոչ թե բացառապես ոլորտային պրոֆեսիոնալներ հավաքելու հիմքով, այլ հաշվի է առնվել, այսպես ասած, հեղափոխության մասնակցության չափաբաժինը, այս դեպքում՝ քայլերի «հաշվիչը»: Եվ եթե զուտ հեղափոխական իրավիճակին ադմինիստրատիվ տեսք տալու առումով այս սկզբունքը ներդաշնակ է, ապա արդեն բուն, ընթացիկ, առօրեական կառավարման մեջ այն առաջացնում է այն խնդիրները, որոնց մասին խոսեցինք: Ստացվում է, որ կա համար մեկը, բայց համար երկուսը, երեքը, չորսը, ինչքան էլ որ ֆորմալ առումով կան, բայց դե ֆակտո առ ոչինչ են: Հեղափոխությունն, իհարկե, ունի իր առանձնահատկությունները և դրանցից մեկն էլ հենց հեղափոխության մասնակցության չափաբաժնով առաջնորդվելն է: Բայց երկարաժամկետ առումով՝ հաշվի առնելով կառավարման ու քաղաքականություն վարելու արդյունավետությունը, այն չի գործում:

Ինքը՝ Փաշինյանն էլ առայժմ չի փորձում սահմանել հիերարխիան՝ գործընթացների մի ահռելի հատված թողնելով ինքնահոսի:

Իհարկե, երբ թիմում առկա չէ հստակ ֆունկցիոնալ ուղղահայացը, առաջին համարի դերակատարությունն էականորեն բարձրանում է, քանի որ նա դառնում է, ըստ էության, միակը, ով լեգիտիմ է բոլոր կողմերի համար, հետևաբար միակը, որ կարող է ապագայում էլ հավակնել իշխանության ղեկին լինելու:

Գուցե սա ևս հեղափոխության տարերային էությամբ պայմանավորված դրսևորում է: Սակայն ակնհայտ է, որ այս մոտեցումը նախկինում քանիցս կիրառվել է հայաստանյան իշխող և ծանրակշիռ քաղաքական ուժերի կողմից, ինչը հանգեցրել է կուսակցությունների ու իշխող թիմերի ներսում մրցակցության, այլընտրանքի, իսկ ինչպես ապրիլ–մայիս ամիսներին տեսանք՝ նաև պահեստային պլանի բացակայությանը:

Թագավոր–արքունիք հակադրությունը, ինչքան էլ որ այն այժմ կարող է հիմնավորվել նույն թիմում տարբեր կարծիքների ազատ կամարտահայտման սկզբունքով, օրինաչափորեն բերում է մի վիճակի, որտեղ թագավորը ունենում է տոտալ առավելություն, կամ արքունիքում սկսում են դավադրության դրսևորումներ նկատվել: Այս ռիսկերը չեզոքացնելու համար է, որ միաժամանակ բավական կարգապահ թիմային աշխատանքի հաստատմանը զուգահեռ ներդրվում են բովանդակային օրակարգեր, ընդհանուր դիրքորոշումների փաթեթ կենսական հարցերի շուրջ, որի առկայության դեպքում արդեն փոքր տեղեկատվական խնդիրների շուրջ տարակարծիք հայտարարությունները աչք չեն ծակում: Առայժմ իշխանության բովանդակային, գաղափարական մոնոլիտությունը չկա, այն փոխատեղվում է Փաշինյանի անձով և առայժմ այդ փոխատեղումը արդարացնում է իրեն՝ հաշվի առնելով որոշակի ներքաղաքական անցումային իրողություններ: Բայց հարց է՝ արդյո՞ք անցումային փուլից հետո այս փոխատեղմամբ հնարավոր կլինի ապահովել արդյունավետ աշխատանք՝ առավել երկար հեռանկարով:

Մանրամասները՝ «Փաստ» օրաթերթի այսօրվա համարում

 

ZCMC CJSC general director R.N. Khudoli on the օccation of Internatioanal Labour dayGagik Khachatryan's prolonged denial of medical care amounts to torture. attorneyMore and more smiles in the city. 'Kentron' branch of AMIO BANK was reopenedIdram and IDBank at Career City FestIdram and IDBank as participants of Career City FestUcom provides four bus stops in Ijevan with free Wi-Fi An exhibition dedicated to Charles Aznavour's centennial anniversary Yerevan, May 22 – July 22 Caring for nature, we have started with ourselves - Team Telecom Armenia Up to 10% cashback from GetTransfer with IDBank cardsAmio Visa Signature Business card. When the opportunities are unlimited Up to 1% cashback when shopping on Wildberries with IDBank cards Ucom continues network modernization in regions of ArmeniaCo-founders of Galaxy Group of Companies Co-Hosts Business Breakfast to Strengthen Armenian-French Business TiesLeasing agreement and a number of advantages. Amio is in the Leasing Expo with a special offerInternational transfers from card to card with IDBank VISA cardsIdplus Bonuses in Idram&IDBank ApplicationUcom has released a new package offer Ucom continues network modernization in regions of ArmeniaIdram and IDBank participated in the signing ceremony of the Declaration of Women's Empowerment PrinciplesGeneral Director of Ucom participated in Doing Digital Forum 2024AraratBank: General Partner of Face-to-Face Regional Forum4.017.648 Drams to My Forest Armenia: April Beneficiary of The Power of One Dram is 4090 Foundation Ucom continues to support green energy expansion in Armenia Spring brought so much profit. It is a profitable promotion at Amio Bank Director General of Ucom took part in a recruiting conference Ameriabank named the Best Bank in Armenia for 2024 by Global Finance magazineAraratBank places its 27th issue of dollar bonds Ucom launches network modernization efforts in few regions of ArmeniaUcom Launches Network Modernization Efforts in Regions of Armenia5 000 dram bonus from IDBank for pension card holders World Bank Armenia has organized discussion on facilitating women’s wider engagement in sectors that have been traditionally male dominated in the countryIDBank as a Participant in the Conference of My Forest Armenia NGOIDBank issues the 1st tranche of dollar bonds of 2024In 2023, the SME Loan Portfolio of Ameriabank Reported More Than 30% GrowthMining plays an important role in providing materials for energy transition and green economy: Roman Khudoli Amio digital cards with unlimited opportunities and 5% cashbackInternational Client’s Day at IDBank Termination of service of MIR cards. IDBankThree Sad Stories about FraudstersUcom showed high and stable growth in fixed and mobile communications in 2023 The number of Team mobile subscribers is over 1 million On the occasion of International Women's Day ZCMC employees were awarded 3,780,052 Drams to the City of Smile Fund: The Power of One Dram Will Go to My forest Armenia in MarchGlobal Finance Recognizes Ameriabank's Leadership in Sustainable Finance in ArmeniaHow AMIO succeeded in gathering its team, partners and customers around a common goalWhat to Give on The Occasion of Women's Day? Idram and IDBankHalf Price for Everyone and up to AMD 15.000 Welcome Bonus for New Customers. IDBank Ucom congratulates everyone with spring holidays with a special offer Doing Digital Forum Returns Featuring Brett King as Keynote Speaker We celebrate the successes of AMIO BANK and Ingo Armenia in 2023