ՊԱՏՄՈՒԹՅԱՆ ԱՅՍ ՕՐԸ (31 ՄԱՐՏԻ). Գյումրիից մեկնարկել է Նիկոլ Փաշինյանի բողոքի քայլերթը

SOCIETY 31 March, 2020 13:36

ՀԱՅ-ՀԱՅԱՍՏԱՆ

1903 - ծնվել է աղբյուրագետ Աշոտ Աբրահամյանը։

1907 - ծնվել է կոնյակագործ Մարգար Սեդրակյանը։

1917 - վախճանվել է բանաստեղծ և թարգմանիչ Ալեքսանդր Ծատուրյանը։

1923 - ծնվել է գրականագետ, թարգմանիչ Վազգեն Գևորգյանը:

1926 - ծնվել է ռեժիսոր, բեմադրիչ Կիմ Արզումանյանը։

1984 - ծնվել է ֆուտբոլիստ, հարձակվող Ռոբերտ Զեբելյանը։

1992-Հայաստանը դիվանագիտական հարաբերություններ է հաստատել Եգիպտոսի հետ։

1993 - Արցախյան ազատամարտի ժամանակ ազատագրվել է Արցախի նշանավոր վանքերից մեկը՝ Դադիվանքը։

2005-կառավարության որոշմամբ, բազային կենսաթոշակը երկրում 3000 դրամից բարձրացվել է 4000 դրամի։

2008-ԱՄՆ-ի նախագահ Ջորջ Բուշը Հայաստանում իր երկրի դեսպանի պաշտոնում առաջադրել է Մարի Յովանովիչին, որը Միացյալ Նահանգների դեսպանն էր Ղըրղըզստանում:

2009- Հայաստանի ազգային պատկերասրահի Հրազդանի մասնաճյուղից գողացել են Մարտիրոս Սարյանի, Մարիամ Ասլամազյանի, Գևորգ Բաշինջաղյանի և այլոց վրձնին պատկանող 18 կտավ:

2013-«Ժառանգության» առաջնորդ Րաֆֆի Հովհաննիսյանը դադարեցրել է իր հացադուլ -«համեստ ծոմը» և հայտարարել, որ կսկսի այցելել Հայաստանի մարզեր:

2018-Գյումրիից մեկնարկել է Նիկոլ Փաշինյանի բողոքի քայլերթը՝ ընդդեմ Սերժ Սարգսյանի հետագա իշխանավարման։

ԱՇԽԱՐՀ

1284 -եպիսկոպոս Էլին (Իլինսկին) հիմնադրել է Պիտերհաուզը, որը ներկայումս Քեմբրիջի համալսարանի ամենահին և ամենափոքր քոլեջն է։

1596- ծնվել է ֆրանսիացի փիլիսոփա, մաթեմատիկոս, ֆիզիկոս Ռենե Դեկարտը։

1631 –վախճանվել է անգլիացի բանաստեղծ Ջոն Դոն։

1685 -ծնվել է Բարոկկոյի դարաշրջանի ներկայացուցիչ, մեծ գերմանացի կոմպոզիտոր և երգեհոնահար Յոհան Սեբաստիան Բախը։

1727 -վախճանվել է անգլիացի ֆիզիկոս, մաթեմատիկոս և աստղագետ Իսահակ Նյուտոնը։

1745- Ֆրանսիայի Վերսալ պալատում առաջին անգամ բեմադրվել է Ժան Ֆիլիպ Ռամոյի «Պլատեա» օպերան։

1770- անգլիացի ծովագնաց Ջեյմս Կուկը, հետազոտելով Նոր Զելանդիան և պարզելով, որ այն կղզի է, լքել է այն և ուղղություն վերցրել դեպի Ավստրալիա։

1814 -Լվիլետ բնակավայրում ստորագրվել է Փարիզի կապիտուլ յացիան, որը փաստացի վերջ է դրել Նապոլեոնական պատերազմներին, ֆրանսիական մայրաքաղաք են մտել ռուսական զորքերը Ալեքսանդր 1-ին ցարի ղեկավարությամբ։

1889- Փարիզում տեղի է ունեցել ճարտարապետ Գուստավ Էյֆելի ստեղծած Էյֆել յան աշտարակի պաշտոնական բացումը։

1893 -ամերիկացի Ուիտկոմբ Ջադսոնը հայտնագործել է կայծակաճարմանդը։

1901- թողարկվել է առաջին Մերսեդեսը՝ Mercedes 35PS-ը։

1909- սկսվել է Տիտանիկ նավի կառուցումը։

1913 -վախճանվել է ամերիկացի ֆինանսիստ, արդյունաբերող, «Ջեներալ էլեկտրիկ» ընկերության հիմնադիր Ջոն Պիրպոնտ Մորգանը։

1917- ԱՄՆ-ը Դանիայից 25 միլիոն դոլարով գնել է Վիրջինյան կղզիները։ 1918 - ԱՄՆ-ում առաջին անգամ մտցվել է «ամառային ժամանակ»:

1954 - ԽՍՀՄ-ը դիմել է ՆԱՏՕ-ին այդ կազմակերպության կազմ մտնելու խնդրանքով, որը մերժվել է։

1967 - ՆԱՏՕ-ից Ֆրանսիայի դուրս գալուց հետո կենտրոնակայանը տեղափոխվել է Բրյուսել՝ Բելգիա։

1967 -Ջիմի Հենդրիկսը առաջին անգամ լոնդոնյան Ֆինսբերի Պարկում համերգի ժամանակ այրել է իր կիթառը. այդ «սովորույթը» հետագայում պարբերաբար է դարձել։ 1979- վերջին բրիտանացի զինվորն է հեռացել Մալթայից։

1983 - վախճանվել է կրկեսի արտիստ, ծաղրածու Կարանդաշը։ 1986- մեքսիկական ավիաընկերության Բոյինգ-727-ը բախվել է լեռանը, զոհվել է 167 մարդ։

1994- «Ագռավը» ֆիլմի նկարահանումների ժամանակ պատահական կրակոցից վիրավորվել և վախճանվել է ամերիկացի դերասան Բրենդոն Լին՝ լեգենդար Բրյուս Լիի որդին։

1999- էկրան է բարձրացել ամենահայտնի գիտաֆանտաստիկ կինոնկարներից մեկը՝ «Մատրիցան»։

2005 -Մայքլ Բրաունի ղեկավարած աստղագետների խումբը հայտնագործել է Մակեմակե գաճաճ մոլորակը։