Չինաստանում մեկ օրում հայտնաբերվել է COVID-19-ի 12 դեպք
INTERNATIONAL NEWSՉինաստանում անցած մեկ օրում հայտնաբերվել են կորոնավիրուսային ինֆեկցիայի 12 նոր եւ ասիմպտոն վարակակիրների 6 դեպքեր, հիվանդանոցներից դուրս է գրվել 9 պացիենտ: Այս մասին նշված է Չինաստանի առողջապահության հարցերով պետական կոմիտեի հաղորդագրության մեջ, փոխանցում է «ՌԻԱ Նովոստի»-ն:
Հստակեցվում է, որ 12 նոր դեպքերից յոթը տեղական են (բոլորը գրանցվել են Պեկինում), հինգը՝ բերովի:
Դեպքերի մեծ մասը հայտնաբերվել է Պեկինում եւ կապված է Ֆենտայ շրջանում գտնվող «Սինֆադի» մեծածախ շուկայի հետ: Այն փակվել է հունիսի 13-ին այն բանից հետո, երբ համաճարակաբանական քննությունը կորոնավիրուս է հայտնաբերել ներմուծված սաղմոնը կտրելու տախտակի վրա: Քաղաքում հունիսի 11-ից սկսած հայտնաբերել են կորոնավիրուսային ինֆեկցիայով վարակման ընդհանուր 318 դեպք, 26 ասիմպտոմ վարակակիրներ բժշկական հսկողության ներքո են:
Համաճարակի ամբողջ ժամանակահատվածում մայրցամաքային Չինաստանում հայտնեբերվել է կորոնավիրուսային ինֆեկցիայի ընդհանուր 83 512 դեպք, ապաքինվել է 78 450 մարդ, COVID-19-ով 418 պացիենտներ դեռեւս հիվանդանոցներում են, մահացել է 4 634 մարդ: Կա բերովի 1 907 դեպք, 1 823 մարդ ապաքինվել է: