25-ամյա երիտասարդին մեղադրանք է առաջադրվել՝ տատի բնակարանից գողություն կատարելու համար
POLITICSՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում ձեռնարկված անհրաժեշտ քննչական գործողությունների արդյունքում պարզվել են տատի բնակարանից 25-ամյա երիտասարդի կողմից կատարած առանձնապես խոշոր չափերի գողության դեպքի հանգամանքները: Վերջինիս մեղադրանք է առաջադրվել:
Քննությամբ ձեռք բերված տվյալների համաձայն՝ 2018թ. դեկտեմբերի կեսերին Էջմիածին քաղաքի բնակիչը՝ ծնված 1994թ., ուրիշի գույքի գաղտնի հափշտակություն կատարելու դիտավորությամբ, իր տատի՝ Էջմիածին քաղաքի բնակչուհու բնակարանի ննջասենյակի հագուստի պահարանից նախապես գաղտնի վերցրել է նշված բնակարանի բանալին: 2018թ. դեկտեմբերի 26-ին՝ ժամը 13:00-ից 14:00-ի սահմաններում, տեղյակ լինելով, որ տատը բացակայում է տանից, նախապես վերցրած բանալիով բացել է բնակարանի դուռը, ապօրինի մուտք գործել և հափշտակել առանձնապես խոշոր չափերի գումար:
Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան: