Ապրիլի 1-ից կմեկնարկի Մանկապատանեկան գրքի և երաժշտության շաբաթը

CULTURE 1 April, 2019 11:49

Ապրիլի 1-5-ը Խնկո Ապոր անվան մանկական ազգային գրադարանում կանցկացվի Մանկապատանեկան գրքի և երաժշտության շաբաթ։

Մշակութային շաբաթը նպատակ ունի երեխաների մեջ սերմանել ընթերցասիրություն, սեր դեպի գիրքն ու մշակույթը։

Միջոցառումների ծրագրում ընդգրկված են ցուցահանդեսներ, խաղ-մրցույթներ, երաժշտական ցերեկույթներ, կոմիտասյան երաժշտության ունկնդրում, գրական հոբելյանների մասին էլեկտրոնային ծանոթացումներ, հանդիպումներ երիտասարդ գրողների հետ։

Փակման օրը՝ ապրիլի 5-ին, Խնկո Ապոր անվան մանկական ազգային գրադարանում տեղի կունենա Հովհ․ Թումանյանի պատմվածքների ընթերցանություն։

Սպասվում են անհատական և խմբային այցելություններ:

Սիրով հրավիրում ենք մասնակից դառնալու և լուսաբանելու գրադարանում կայանալիք մանկապատանեկան տոնը։

Ծրագիր՝

Ապրիլի 1- Ցուցահանդես` «Տեքստ-կոնտեքստ»/ գրադարանի նկարչ. ստուդիայի սաների աշխատանքներ./ճեմասրահ Ցուցահանդես` «Տարվա հոբելյաններ»,

ճեմասրահ Ցերեկույթ՝ «Սիլվա Կապուտիկյան-100» - ժ.14:00, դահլիճ

Ապրիլի 2- Պոեզիայի ժամ և ծառատունկ՝ «Պահպանենք բնությունը», /պարսկ. և հայ. լ./ ժ. 10:00, Կապույտ մզկիթ

Ապրիլի 3- Խաղ-մրցույթ՝ «Անգլերենի դարձվածքներ», ժ.14:30

Երաժշտական ցերեկույթ՝ «Կոմիտաս 150», ժ.15:00, ձայնադարան

Ապրիլի 4- Ցերեկույթ՝ «Մայրության և գեղեցկության օր»,ժ. 13:30

Երաժշտական ցերեկույթ՝ «Թումանյանը և երաժշտությունը» ժ. 14:00, դահլիճ

Ապրիլի 5- Հանդիպում երիտասարդ գրողների հետ. Արփի Ոսկանյան, ժ.14:30

Փակում. հանդիպում գրողների հետ /ՀԳՄ-ի հետ համատեղ/ - դահլիճ

Բացի այդ շաբաթվա ընթացքում սպասվող միջոցառումներն են՝

Էլեկտրոնային ծանոթացում՝

«Գրական հոբելյաններ»,

Բարձրաձայն ընթերցանություն՝ Հովհ. Թումանյան «Պատմվածքներ»

Հեքիաթապատումների շարք՝ Հովհ. Թումանյան «Հեքիաթներ»

Երաժշտական կոլեկտիվ ունկնդրում՝ «Կոմիտաս»