Գրպանահատի վերջը. գողությունից րոպեներ անց ոստիկանները նրան բերման էին ենթարկել
SOCIETY
Հոկտեմբերի 4-ին, ժամը 18-ի սահմաններում, ոստիկանության Արաբկիրի բաժնում Շիրակի մարզի Անի գյուղի մի բնակչուհի հաղորդում է տվել, որ մոտ մեկ ժամ առաջ, երթուղային ավտոբուսում, պայուսակից գողացել են դրամապանակը, որի մեջ եղել է 30.000 դրամ եւ բանկային քարտեր:
Ոստիկանությունից NEWS.am-ին հայտնում են, որ ոստիկանության Երեւան քաղաքի վարչության ՔՀԲ 6-րդ բաժանմունքի ծառայողները` օպերատիվ տվյալները իրացնելով, նույն օրը, ժամը 18.30-ի սահմաններում, Բաղրամյան պողոտայից` նշված գողությունը կատարելու կասկածանքով, ոստիկանության Արաբկիրի բաժին բերման են ենթարկել Արմավիրի մարզի Արեւաշատ գյուղի 49-ամյա մի բնակչի:
Նա ներկայացրել է գողոնը, նաեւ տվել խոստովանական բացատրություն, որ նշվածից բացի հոկտեմբերի 2-ին 8-րդ համար երթուղային ավտոբուսում եւս մեկ ուղեւորուհու դրամապանակ է հափշտակել:
Հանգամանքները պարզվում են:
Նախապատրաստվում են նյութեր: