Yerevan, 29.November.2022,
00
:
00
1 $ = 0 ֏, 1 = 0 ֏, 1 = 0 ֏
BREAKING


Նիկոլ Փաշինյանը Ալիեւին խոստացել է, որ նա կկարողանա Բերձոր քաղաքի վրա ադրբեջանական դրոշը դնել. Հակոբ Հակոբյան

INTERVIEW

Հայաստանը Ստեփանակերտին կապող նոր երթուղու ընտրությունը տեղի է ունեցել Նիկոլ  Փաշինյանի եւ Ալիեւի բանավոր պայմանավորվածության հիման վրա։ Այս մասին NEWS.am-ի հետ զրույցում ասաց Արցախի «Արդարություն» կուսակցության համանախագահ Հակոբ Հակոբյանը։ 

«Նիկոլ Փաշինյանը երեւի Ալիեւին խոստացել է, որ Բերձոր քաղաքը կհանձնվի իրեն, եւ ինքը կկարողանա Բերձոր քաղաքի վրա ադրբեջանական դրոշը դնել: Որովհետեւ եթե այդ երթուղին կառուցվեր Լաչինի միջանցքում, ապա որեւիցե պարագայում Բերձորը միջանցքից դուրս չէր մնա,  եւ այնտեղ ադրբեջանական զինված ուժեր չէին կարող լինել: Իսկ այսօր մենք լսում ենք, որ օգոստոսի 25-ին ադրբեջանցիները գալու են Բերձոր, Աղավնո եւ Սուս համայնքներ:

Եվ նոյեմբերի 9-ի փաստաթուղթը երեւի միակ պայմանավորվածությունները չէին,  հակառակ դեպքում մենք պահանջում ենք եւ՛ Արցախի, եւ՛ Հայաստանի իշխանություններից ցույց տալ այն գրավոր համաձայնություննը, որով երթուղին պետք է այն ուղղությամբ ընթանա, որով հիմա պատրաստված է ճանապարհը, եւ ամենագլխավորը, որ փոխվել է միջանցքի կորդինատները: Ենթադրենք, ինչպես իրենք են բացատրում, որ ֆիզիկապես հնարավոր չէր Լաչինի միջանցքում նոր երթուղի կառուցել, դրա համար է ընտրվել այս երթուղին: Այդ դեպքում, ըստ մեզ,  պետք է լինի եռակողմ՝ Հայաստան-Ադրբեջան-Ռուսաստան նոր հայտարարություն կամ փաստաթուղթ, որ միջանցքային տրամաբանությամբ այս տարածքը փոփոխվում է: Քանզի այդ տարածքից օգտվելու են մեր բնակիչները, որը պետք է Հայաստանի հետ կապ ունենա, իսկ նոյեմբերի 9-ի հայտարարության հիմնական կետերից մեկն այն է, որ Լեռնային Ղարաբաղը պետք է ցամաքային անխափան կապ ունենա Հայաստանի Հանրապետության հետ»,– նշեց Հակոբ Հակոբյանը։

«Արդարություն» կուսակցությունը դեռ ամիսներ առաջ էր հայտարարել, որ Ադրբեջանը ճանապարհը չի կառուցում նախատեսված վայրում։ Ըստ 2020 թվականի նոյեմբերի 9-ի եռակողմ ստորագրված հայտարարության,  «Լաչինի միջանցքը (5 կմ լայնությամբ), որը ապահովելու է Լեռնային Ղարաբաղի կապը Հայաստանի հետ, ընդորում շրջանցելով Շուշի քաղաքը, մնում է Ռուսաստանի Դաշնության խաղաղապահ զորակազմի վերահսկողության ներքո:

Կողմերի համաձայնությամբ, Լեռնային Ղարաբաղի եւ Հայաստանի միջեւ կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար: Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային եւ բեռնատար միջոցների երթեւեկության անվտանգությունը երկու ուղղություններով»։

«Նոյեմբերի 9-ի փաստաթղթում հստակ գրված է, որ այդ նոր երթուղին պետք է լինի Լաչինի միջանցքում: Մեր կուսակցությունը այս տարվա փետրվար ամսից ամեն անգամ բարձրաձայնել է, որ այն ճանապարհը, որի մասին խոսվում է, իսկ հետագայում սկսվեց նաեւ կառուցումը, կարծես հակասում է հայտարարության վեցերորդ կետին, որտեղ նշված է նոր ճանապարհի մասին, որովհետեւ միջանցքը իր իրավական կարգավիճակով տարբերվում է այն ճանապարհից, որը կարող է գտնվել այդ միջանցքում: Մենք այդ հարցը բարձրաձայնում էինք, որ ճանապարհը ճիշտ տեղով չի կառուցվում: Նոյեմբերի 9-ի հայտարարության մեջ որեւէ խոսք չկա համայնքների մասին, արդյոք նրանք հայերով պետք է բնակեցված լինե՞ն, թե՝ ոչ։ Մենք լավ հասկանում ենք, որ երբ նոյեմբերի 9-ի հայտարարությամբ թշնամուն հանձնվեց Քաշաթաղի, Քարվաճառի, Ակնայի  շրջանները, իսկ Աղավնո, Սուս եւ Բերձոր բնակավայրերի բնակիչները շարունակեցին ապրել այնտեղ, դա ոչ միայն նրա համար էր, որ հայրենասեր էին նրանք, այլեւ նրա համար, որ այդ բնակավայրերը գտնվում էին Լաչինի միջանցքի 5 կմ սահմաններում: Եվ, բնականաբար, երբ երթուղու հարցը փոխվում է, փոխվում է նաեւ միջանցքում հայտնված բնակավայրերի գոյության հետագա հարցերը:

Փաստորեն ստացվում է, որ երթուղին, որն անցնում է նոր կառուցված ճանապարհով, դուրս է Լաչինի միջանցքից: Եվ Բերձորն եւ Աղավնոն դուրս են մնում այդ  5 կմ–ից։ Հայերի այդ բնակավայրերից  դուրս գալու խնդիրը այստեղից է առաջացել»,– ասաց Հակոբ Հակոբյանը։

Նրա խոսքով՝ ստեղծված իրավիճակում Արցախի իշխանությունները պատճառաբանում են, թե պարտադրված են երթուղու փոփոխությունների գնում, ինչը հանգեցնում է նաեւ այդ բնակավայրերից հեռանալուն։

«Իշխանությունները պատճառաբանում են, որ այլ ելք չունեն, որ Ադրբեջանը կդիմի ռազմական ագրեսիայի։ Մենք, լինելով ընդդիմություն, չունենալով բավականաչափ ինֆորմացիա, չենք կարող հստակ ասել, թե այդ պատճառաբանությունները որքանով են իրականության հետ համահունչ: Բայց նույնիսկ այդ պատճառաբանությունների ֆոնին բազմաթիվ անգամ հայտարարել ենք, որ եռակողմ հայտարարությունը միայն հայերի համար պարտադրված փաստաթուղթ չէ, այսինքն միայն հայերը այնտեղ պարտավորություններ չունեն: Չէ որ Ալիեւը իր պարտավորությունները չի կատարում, սկսած նույն դիրքում կանգնելուց, գերիներին վերադարձնելուց, հիմա էլ հայտարարության 6–րդ կետը, որով Ադրբեջանը զրկում է Հայաստան-Արցախ միջանցքային կապը»,– նկատեց Հակոբ Հակոբյանը։

Երթուղու փոփոխությունը մտահոգությունների պատճառ է դարձել։ Հնարավո՞ր է, որ ադրբեջանցիները այդ ճանապարհին անցակետեր տեղադրեն. այս հարցադրմանը, ըստ Հակոբյանի՝ Արցախի իշխանությունները հավաստիացրել են, որ նման բան չի լինելու։

«Արցախի իշխանությունները մեզ վստահեցնում են, որ այն ճանապարհը, որը գործելու է, ունենալու է նույն կարգավիճակը ինչ կունենար Լաչինի միջանցքով անցնող Ստեփանակերը-Գորիս ավտոճանապարհը, բայց նման հարցերում բանավոր պայմանավորվածությունները չեն կարող որեւէ էական նշանակություն ունենալ: Պետք է ունենանք հստակ փաստաթուղթ, որտեղ գրված է լինելու, որ ադրբեջանցիները այդ նոր ճանապարհին չեն կարող անցակետ դնել»,– հավելեց Արցախի «Արդարություն» կուսակցության համանախագահ Հակոբ Հակոբյանը։

Another dollar tranche of bonds from IDBankAraratBank acts as an underwriter of National Mortgage Company RCO bonds Converse Bank customer wins Visa campaign IDBank “Malatia" branch now more comfortable and modernConverse Bank announces the launch of the new coupon bonds placement It is already possible to make payments with IDBank cards via Apple Pay Philippe Delmotte was elected as a Board member of Unibank UCOM OFFERS BUYING A PRO QUALITY SMARTPHONE AT 3800 AMD/MONTH AND GET HIGH QUALITY WIRELESS EARBUDS Success of the family business based in Tavush: from a home to a guest house and a small winery Ameriabank Launches Google Pay and Google Wallet Support for Card Users in Armenia Ucom subscribers to enjoy the best roaming rate of 8 amd/mb in Georgia, Egypt and UAEGoogle Pay™ is available for Acba bank customers Google Pay is a new contactless payment option for Converse Bank customers Ucom has introduced future network Wi-Fi 6E routersAMD 4,827,643 to the Homeland Defender’s rehabilitation center: The November beneficiary of "The Power of One Dram" is the "Aren Mehrabyan" Foundation AraratBank underwrites FINCA UCO bonds Ookla® has awarded Ucom with both “The Fastest Fixed Network in Armenia 2022” and “The Fastest Mobile Network in Armenia 2022” awards Ameriabank: At the Vanguard of Armenia's Banking Sector Cooperation between "Made in Armenia" NGO and Dubai Silicon OasisUcom is the best telecommunications company 2022 in Armenia as per Global Banking & Finance Review magazine IDBank issues two tranches of bonds at once։ AMD and USDI will help you to get acquainted with the world of finance. Idram Junior, a revolutionary new financial tool for kids With the technical support of Ucom, the world cadet, youth and junior sambo championships 2022 were held in yerevan Sustainalytics Confirms the Compliance of Unibank’s Green Bond Framework with the International Standards Subscribers of UCOM’S all time best offer to enjoy additional benefits "Hovhannes Hovhannisyan and Alexander Spendiaryan: spirictual connections"Global Finance Names Ameriabank the Safest Bank in Armenia Converse Bank offers new mortgage loan at annual interest rate starting from 0% Acba Bank in Partnership with Visa launches first Tap to Phone innovative technology to Expand Digital Payments in Armenia EFSE and AraratBank team up to support Armenian MSMEs The technology created by Armenian Revalcon is attracting markets abroad Ucom’s special offer of the unlimited internet is now termless Ucom and Pes-Pes continue cooperation within the framework of educational projectAMD 4.676.836 to “4090” Foundation. Beneficiary of "The Power of One Dram" for October - Rehabilitation Center of the defenders of the Motherland. Largest Corporate Bond Program at the Securities Market of Armenia Completed Successfully The first snail breeding farm was established in ArmeniaUSD 25 million to support the private sector Level Up only for students: Ucom offers X2 and X3 more internet Zangezur Copper and Molybdenum Combine operates uninterruptedlyThe CSTO created by Russia right now either clearly protects the territorial integrity of Armenia, or CSTO member Armenia withdraws from CSTO within hours. Khachik AsryanThe international FINTECH360 conference will be held in November in Yerevan AMD 4.676.836 to the “Rehabilitation City of Heroes” psychological center: the next beneficiary of “The Power of One Dram” is the 4090 Foundation IDBank issues the first premium class business cards in Armenia Converse Bank has come up with a unique offer to encourage online shopping IDBank is the first in Armenia to present Visa Platinum Business cardConverse Bank offers SME financing without financial analysisUcom Offers Buying Xiaomi Redmi 10C at 2000 AMD/Month and Get GiftsUcom's Mobile Internet uGo Super 6500 Special Offer Is Now Permanent "Each of us is facing a fateful choice today." Avetik Chalabyan's message from detention There is no place better than Armenia