Yerevan, 06.May.2024,
00
:
00
1 $ = 0 ֏, 1 = 0 ֏, 1 = 0 ֏
BREAKING


«Այս քաղաքական թիմը սպիտակ դրոշ է բարձրացնում». «Փաստ»

INTERVIEW

«Փաստ» օրաթերթը գրում է

Ներկայումս ՀՀ իշխանություն հանդիսացող, այսպես կոչված, քաղաքական թիմին իրենց տերերն ասել են, որ Հայաստանը դիմադրության զրո օջախ պետք է ունենա, որևիցե ձևով չպետք է դիմադրի ո՛չ Ադրբեջանի, ո՛չ Թուրքիայի նախահարձակ գործողություններին և ուղղակի պետք է հանձնվի: Ռազմական փորձագետ Հայկ Նահապետյանի դիտարկումն է, որը հենց նշված հանգամանքով է պայմանավորում ՀԱՊԿ զորավարժությունները ՀՀ-ում չանցկացնելու մասին հայտարարությունը, նաև ավելի վաղ ՀԱՊԿ-ի կողմից ՀՀ-ին աջակցելու՝ նաև ռազմական աջակցություն ենթադրող փաստաթուղթը չստորագրելը:

«2022-ի վերջին ՀԱՊԿ-ը հայտարարեց, որ 2023-ին Հայաստանում տեղի են ունենալու զորավարժություններ՝ խաղաղապահ առաքելության ուղղվածությամբ: Հիմա Նիկոլ Փաշինյանը հայտարարում է, թե 2023-ին ընդհանրապես զորավարժություն չի անցկացվելու: Առհասարակ, զորավարժությունները զորքերի մարտունակության բարձրացմանն են ուղղված, նաև դաշնակից երկրների հետ համատեղ զորախմբերի ընդհանուր կառավարումը, ԶՈւ ստորաբաժանումների հետ համագործակցությունն ուժեղացնելու նպատակ ունեն:

Մեծ հաշվով՝ զորավարժությունը մի խնդիր ունի՝ ուժեղացնել այն երկրի ԶՈւ-ի ստորաբաժանումների մարտունակությունը, որտեղ այն անցկացվում է:Փաշինյանը տրամագծորեն հակառակ գնահատականն ունի: Ըստ նրա, ցանկացած զորավարժություն սպառնալիք է: Այս դեպքում, ի պատասխան Ադրբեջանի ու Թուրքիայի՝ մեր սահմանի մոտ սպառնալիք հանդիսացող զորավարժությունների, այս քաղաքական թիմը սպիտակ դրոշ է բարձրացնում՝ ասելով, որ 2023-ին ընդհանրապես զորավարժություն չի լինելու: Սպիտակ դրոշի հետ նաև իրենց հոգեհարազատ վեցագույն դրոշն են բարձրացնում: Միայն անհայրենիք, վախվորած, պարտվողական, ստախոս, պղծությունների մեջ թաղված քաղաքական թիմը կարող է դեռևս կռիվ չտված հանձնվել»,-«Փաստի» հետ զրույցում ասաց փորձագետը:

Նրա խոսքով, այսօր պաշտոնական Երևանից առաջին հերթին Մեծ Բրիտանիային, հետո Թուրքիային բացահայտ ասվում է, որ Հայաստանը պատրաստ է ամբողջովին մտնել Թուրքիայի գերիշխանության տակ. «Այդ նպատակին խանգարող գործոնն այս պահին ՌԴ-ն է, իր զինված ներկայությունը տարածաշրջանում: Պատահական չէր, որ վերջին ասուլիսի ժամանակ Փաշինյանն ասում էր՝ ՌԴ զինված ներկայությունը սպառնալիք է: Փաշինյանի քաղաքական տերերի նպատակը ՀՀ-ից 102-րդ ռազմաբազան հանելն է, Արցախից էլ՝ խաղաղապահ ստորաբաժանումները հանելը: Դրանից հետո Հայաստանն ամբողջովին տրվելու է Թուրքիայի ու Ադրբեջանի ողորմածությանը, մինչդեռ գիտենք Ալիևի այն հայտարարությունների մասին, որ Երևանն էլ է վերցնելու: Սա ծրագիր է, որի իրագործմանը 2018-ից ամբողջովին լծվել է նաև Նիկոլ Փաշինյանը:

Այդ ժամանակ խանգարող մի քանի գործոն կար, որոնցից մի քանիսն արդեն դուրս է մղվել: Առաջին հերթին խանգարող գործոն էին ՀՀ ԶՈւ-ն, ԱՀ ՊԲ-ն: Երկրորդ խանգարող գործոնը պետական ինստիտուտների գոյությունն էր, որոնք Նիկոլ Փաշինյանը փայլուն կերպով ոչնչացնում է՝ ղեկավարներ նշանակելով ոչ մասնագետների: Այսօր պետական ինստիտուտներն իրենց գործառույթներն այլևս չեն կարողանում իրականացնել, իսկ ինստիտուտների բացակայությունը պետականության չգոյություն է նշանակում: Մնացել է չեզոքացնել երրորդ խանգարող գործոնը՝ Ռուսաստանի զինված ներկայությունը Հայաստանում: Իր ամբողջ գործողությունները, քարոզչությունը, նպատակները դրան են միտված: Փորձ է արվում Հայաստանն ամբողջովին դուրս մղել ռուսական ազդեցությունից՝ առաջին հերթին ռազմական, հետո, ինչու չէ, նաև տնտեսական առումով»:

Հայկ Նահապետյանի խոսքով, Ն. Փաշինյանին իր բնույթը հաշվի առնելով են բերել իշխանության. «Նա այսօր անում է այն գործը, որը մեր շահերի դեմ կաներ Ալիևը, եթե ՀՀ-ում վարչապետ լիներ: Իրավիճակը ճիշտ գնահատելու խնդիր կա: Մեր 120 հազար հայրենակիցներն այսօր շրջափակման մեջ են, գոյության կռիվ է գնում, Հայաստանում իշխանությունները ձեռքները լվացել են: Եթե ժողովուրդը և քաղաքական ուժերը համաձայն են այսօրվա, այսպես կոչված, քաղաքական թիմի վերոնշյալ քայլերին, նախանշված ծրագրերը կիրագործվեն»:

ԱՆՆԱ ԲԱԴԱԼՅԱՆ

Մանրամասները՝ «Փաստ» օրաթերթի այսօրվա համարում

The Power of One Dram to the Road of Life Charitable OrganizationAMIO bank issues bondsGeneral Director of Ucom gave a lecture at the French University in Armenia Amio Bank participated in Career City Fest 2K24Transfers to Visa cards of foreign banks are available in the Unibank mobile app ZCMC CJSC general director R.N. Khudoli on the օccation of Internatioanal Labour dayGagik Khachatryan's prolonged denial of medical care amounts to torture. attorneyMore and more smiles in the city. 'Kentron' branch of AMIO BANK was reopenedIdram and IDBank at Career City FestIdram and IDBank as participants of Career City FestUcom provides four bus stops in Ijevan with free Wi-Fi An exhibition dedicated to Charles Aznavour's centennial anniversary Yerevan, May 22 – July 22 Caring for nature, we have started with ourselves - Team Telecom Armenia Up to 10% cashback from GetTransfer with IDBank cardsAmio Visa Signature Business card. When the opportunities are unlimited Up to 1% cashback when shopping on Wildberries with IDBank cards Ucom continues network modernization in regions of ArmeniaCo-founders of Galaxy Group of Companies Co-Hosts Business Breakfast to Strengthen Armenian-French Business TiesLeasing agreement and a number of advantages. Amio is in the Leasing Expo with a special offerInternational transfers from card to card with IDBank VISA cardsIdplus Bonuses in Idram&IDBank ApplicationUcom has released a new package offer Ucom continues network modernization in regions of ArmeniaIdram and IDBank participated in the signing ceremony of the Declaration of Women's Empowerment PrinciplesGeneral Director of Ucom participated in Doing Digital Forum 2024AraratBank: General Partner of Face-to-Face Regional Forum4.017.648 Drams to My Forest Armenia: April Beneficiary of The Power of One Dram is 4090 Foundation Ucom continues to support green energy expansion in Armenia Spring brought so much profit. It is a profitable promotion at Amio Bank Director General of Ucom took part in a recruiting conference Ameriabank named the Best Bank in Armenia for 2024 by Global Finance magazineAraratBank places its 27th issue of dollar bonds Ucom launches network modernization efforts in few regions of ArmeniaUcom Launches Network Modernization Efforts in Regions of Armenia5 000 dram bonus from IDBank for pension card holders World Bank Armenia has organized discussion on facilitating women’s wider engagement in sectors that have been traditionally male dominated in the countryIDBank as a Participant in the Conference of My Forest Armenia NGOIDBank issues the 1st tranche of dollar bonds of 2024In 2023, the SME Loan Portfolio of Ameriabank Reported More Than 30% GrowthMining plays an important role in providing materials for energy transition and green economy: Roman Khudoli Amio digital cards with unlimited opportunities and 5% cashbackInternational Client’s Day at IDBank Termination of service of MIR cards. IDBankThree Sad Stories about FraudstersUcom showed high and stable growth in fixed and mobile communications in 2023 The number of Team mobile subscribers is over 1 million On the occasion of International Women's Day ZCMC employees were awarded 3,780,052 Drams to the City of Smile Fund: The Power of One Dram Will Go to My forest Armenia in MarchGlobal Finance Recognizes Ameriabank's Leadership in Sustainable Finance in ArmeniaHow AMIO succeeded in gathering its team, partners and customers around a common goal